काठमाडौं । चालु आर्थिक वर्षको पहिलो त्रैमाससम्म आइपुग्दा आइसीएफसीफाइनान्सको खुद नाफा २९.७९ प्रतिशतले घटेर ३ करोड ३४ लाख ५८ हजार रुपैयाँमा सीमित भएको छ ।

अघिल्लो  वर्षको यसैअवधिमा यसले ४ करोड ७६ लाख ५२ हजार रुपैयाँ खुद नाफा कमाएको थियो । यस अवधिमा सञ्चालन नाफा पनि २७.०१ प्रतिशतले घटेर ४ करोड ९६ लाख ४४ हजार रुपैयाँमा सीमित भएको छ ।

यता, खुद ब्याज आम्दानी भने ३४.९१ प्रतिशतले बढेर १४ करोड ८८ लाख ४९ हजार रुपैयाँमा पुगेको छ । अघिल्लो वर्षको यसैअवधिमा यसले ११ करोड ३ लाख २८ हजार रुपैयाँ खुद ब्याज आम्दानी कमाएको थियो ।

असोज मसान्तसम्म आइपुग्दा यसको प्रतिसेयर आम्दानी ११ रुपैयाँ ८७ पैसा र प्रतिसेयर नेटवर्थ १५६ रुपैयाँ ३२ पैसा छ ।