नबिल बैंकले प्रदेश १ का आफ्ना विद्यमान SME कर्जा ग्राहकहरुका लागि आज क्षमता अभिवृद्धि कार्यक्रम सञ्चालन गरेको छ । यो कार्यक्रम नेपाली बैंकिङ उद्योगमा एकदमै नयाँ पहल हो जहाँ बैंकले औपचारिक तालिम कार्यक्रम मार्फत आफ्ना विद्यमान SME ऋण ग्राहकहरूको क्षमता र उद्यमशीलताको सीप वृद्धि गरी मेड इन नेपाल उत्पादनहरूलाई समर्थन गर्ने लक्ष्य राखेको छ।

तालिमको सहजीकरणका लागि उद्यमशीलता विकास क्षेत्रका चर्चित व्यक्तित्व श्री सुमन शाक्यलाई आमन्त्रित गरिएको थियो । इटहरीमा सञ्चालन भएको उक्त कार्यक्रममा ४० भन्दा बढी साना तथा मझौला कर्जा ग्राहकहरुको सहभागिता रहेको थियो । सहभागीहरुका अनुसार यस कार्यक्रमले सहभागीहरुको क्षमता अभिवृद्धि र ज्ञान आदानप्रदान गर्ने राम्रो अवसर प्रदान गरेको छ ।

तालिम कार्यक्रम मार्फत बैंकका ग्राहकहरुलाई प्रदान गरिने मूल्य अभिवृद्धि सेवाहरुको बारेमा बोल्दै नबिल बैंकका एसएमई तथा माइक्रोफाइनान्स महाशाखा प्रमुख निरजकुमार बस्नेत (दानिल)ले क्षमता अभिवृद्धि र विकास गर्ने उद्देश्यले यस्तो कार्यक्रम शुरु गरेको बताए ।

बैंक र ग्राहकहरू बीचको लामो समयदेखिको सम्बन्धलाई सुदृढ गर्दै हाम्रा SME ऋण ग्राहकहरूको उद्यमशीलताको मानसिकता। आगामी दिनहरुमा पनि यस पहललाई निरन्तरता दिने बैंकको योजना छ । यसबाहेक, श्री बस्नेत (दानिल)ले भने, ‘नबिलले आफ्ना ग्राहकका लागि यस्ता मूल्य अभिवृद्धि सेवाहरू मार्फत बैंकिङ बियोन्ड प्रॉफिटको उदाहरणको रूपमा नेतृत्व गर्नमा विश्वास गर्छ, जुन दिगो विकास लक्ष्यहरूको एक हिस्सा पनि हो।