काठमाडौं । नेपाल पुनर्बीमा कम्पनीको आफ्नो छैठौं वार्षिक साधारण सभा सम्पन्न भएको छ । सभा कार्की ब्यांक्वेट, बबरमहलमा सम्पन्न भएको हो ।

कम्पनीले आर्थिक वर्ष ०७६/०७७ को मुनाफाबाट आफ्ना शेयरधनीलाई १६ दशमलव ५० प्रतिशत बोनश शेयर र कर प्रयोजनको लागि समेत गरी २ दशमलव ५० प्रतिशत नगद गरि कुल १९ प्रतिशत लाभांश वितरण गर्ने प्रस्ताव गरेको थियो । सभाले उक्त प्रस्ताव पारित गरेको छ ।

त्यस्तै, सभाले आर्थिक वर्ष २०७६/० ७७ को सञ्चालक समितिको वार्षिक प्रतिवेदन उपर छलफल गरी पारित गर्ने, लेखापरीक्षकको प्रतिवेदन सहितको २०७७ असार मसान्तको वासलात, सोही मितिमा समाप्त आर्थिक वर्ष २०७६/० ७७ को नाफारनोक्सान हिसाब तथा नगद प्रवाह विवरण र सोही अवधिको वित्तीय विवरणसँग सम्बन्धित अनुसूचीहरु छलफल गरी पारित गरेको छ ।

त्यसैगरी कम्पनी ऐन, २०६३ को दफा १११ अनुसार आर्थिक वर्ष २०७७/०७८ को लागि लेखापरीक्षक नियुक्त गर्ने र निजको पारिश्रमिक निर्धारण गर्ने । ९वर्तमान लेखापरीक्षक श्याम कार्की एण्ड कं.चार्टर्ड एकाउन्टेन्टस पुनः नियुक्तिको लागि योग्य रहेको प्रस्ताव पारित गर्ने, नियमावलीको नियम २७ को उपनियम(२) (ख) नेपाल सरकार बाहेकका संस्थागत लगानीकर्ताबाट जना कम्पनीको सञ्चालक समितिमा प्रतिनिधित्व गर्ने सञ्चालकहरूको निर्वाचन गर्ने प्रस्ताव पनि पारित गरेको छ ।

साथै, नियमावलीको नियम २७ को उपनियम(२) (ख) नेपाल सरकार बाहेकका संस्थागत लगानीकर्ताबाट कम्पनीको सञ्चालक समितिमा प्रतिनिधित्व गर्ने सञ्चालकहरू दिप प्रकाश पाण्डे र सुनिल बल्लभ पन्त निर्बिरोध निर्बाचित भएका छन् ।

सभाले प्रबन्धपत्रको दफा ६(२) र (३) मा छलफल गरी देहाय बमोजिम संशोधन गर्ने, सञ्चालक समितिको बैठक भत्ता लगायतका सुविधामा वृद्धि गर्ने,कम्पनी ऐन, २०६३ को दफा १०५ को उपदफा (१) (ग) अनुसार सञ्चालक समितिको निर्णय बमोजिम संस्थागत सामाजिक उत्तरदायित्व अन्तर्गतका खर्च गरिएको रकमलाई अनुमोदन गर्ने प्रस्ताव पारित गरेको छ ।

त्यसैगरी सभाले कम्पनीको प्रबन्धपत्र नियमावलीको प्रस्तावित संशोधनमा नेपाल सरकार वा नियमनकारी निकायहरुबाट कुनै फेरबदलको सुझाव प्राप्त भएमा सो वमोजिम आवश्यक फेरबदल गर्न सञ्चालक समितिलाईअख्तियारी प्रदान गर्ने लगायतका प्रस्ताव पारित गरेको छ ।