काठमाडौं– नेकपा माओवादी केन्द्रले सरकारलाई समर्थन रहेको जानकारी दिने निर्णय गर्ने अधिकार अध्यक्ष पुष्पकमल दाहाललाई दिएको छ ।

पार्टी कार्यालय पेरिसडाँडामा बुधबार बसेको स्थायी कमिटीको बैठकले सरकारलाई दिएको समर्थनबारे औपचारिक जानकारी दिने निर्णय गर्ने अधिकार दाहाललाई दिएको नेता नारायणकाजी श्रेष्ठले जानकारी दिनुभयो ।

माओवादी केन्द्रले समर्थन फिर्ता लिनेरनलिने बहस भइरहेकाबेला माओवादीले यो निर्णय लिएको हो । ‘अब कहिले समर्थन रहेको जानकारी गराउनुहुन्छ अध्यक्षलाई नै जिम्मा दिएका छौं,’ उहाँले भन्नुभयो ।

बैठकले पार्टी तथा भ्रातृ संगठनको पुनर्संरचना गर्ने, पार्टीलाई कोभिडविरुद्ध जागरण अभियान सञ्चालन गर्न केन्द्रत गर्ने निर्णय गरेको श्रेष्ठले बताउनुभयो ।