काठमाडौं । वोमी लघुवित्त वित्तीय संस्था र ग्रामीण स्वयंसेवक लघुवित्त वित्तीय संस्थाले आगामी चैत ३ गतेदेखि एकिकृत कारोबार सुरु गर्ने भएका छन् ।

यी दुई कम्पनीविच गत माघ ४ गते मर्जर सम्बन्धि अन्तिम सम्झौता भएको थियो । मर्जर पश्चात वोमी लघुवित्त वित्तीय संस्थाको नामबाट एकिकृत कारोबार सुरु गर्न लागिएको हो ।

गत पुस २८ गते सम्पन्न यी दुबै कम्पनीको छुट्टाछुट्टै साधारण सभाबाट मर्जर सम्बन्धि प्रस्ताव पारित भएको थियो । दुई कम्पनी एक भएपछि बन्ने वोमी लघुवित्तको रजिष्टर्ड कार्यालय प्रदेश नम्बर ३, बनेपा नगरपालिका वडा नम्बर १४, साँगा, काभ्रेपलाञ्चोकमा रहने कम्पनीले जानकारी दिएको छ ।