काठमाडौं । माछापुच्छ्रे बैंकले लगानीकर्तालाई अन्तरिम लाभांश दिने भएको छ । बैंकले साधारणसभा स्थगित गरेसँगै अन्तरिम लाभांश वितरण गर्ने प्रस्ताव गरेको हो । बैंकले उपत्यकामा कोरोना भाइरसको महामारी बढेको भन्दै बैंकले आफ्नो वार्षिक साधारण सभा स्थगित गरेको हो ।

बैंकले २ दशमलव ८५ प्रतिशतले हुन आउने २४ करोड १० लाख ८० हजार ६ सय ६० रुपैयाँ २५ पैसा नगद लाभांश वितरण गर्ने प्रस्ताव गरेको हो।

बैंकले कोरोना कहरको कारण शेयरधनीहरुलाई परेको आर्थिक प्रभाव र नजिकदै गरेको चाडपर्वलाई समेत मध्यनजर गर्दै अन्तरिम लाभांश वितरणको प्रस्ताव गरेको एक सुचना जारी गर्दै बताएको छ ।

बैंकले राष्ट्र बैंकले स्विकृति दिएपछि अन्तरिम लाभांश वितरण गर्ने जनाएको छ । यसरी वितरण गरिने लाभांशलाई पछि हुने साधारणसभाले अनुमोदन गर्ने बैंकले जनाएको छ ।