काठमाडौं । सङ्घीय लोकतान्त्रिक गणतन्त्र नेपालका लागि विश्व स्वास्थ्य संगठनको प्रतिनिधिको रूपमा हालै नवनियुक्त हुनु भएका डा. राजेश समबाजीराव पाण्डवले परराष्ट्र मन्त्री प्रदीप ज्ञवाली समक्ष आफ्नो ओहोदाको प्रमाणपत्र पेश गर्नुभयो ।
डा राजेश गत असोज २ गतेका दिन नेपाल स्थितविश्व स्वास्थ्य संगठनको प्रतिनिधिको रूपमा आफ्नो कार्यभार सम्हाल्न काठमाडौं आइपुग्नुभएको थियोे ।

डा राजेशले भन्नुभयो, ‘‘नेपाल सरकार र विश्व स्वास्थ्य संगठनले विगतको ५० वर्षमा बलियो साझेदारी विकास गरेका छन् । यो साझेदारीले स्वस्थ नेपालको साझा उद्देश्य बोकेको छ । मैले नेपाल सरकार र अन्य साझेदारहरूसँगको साझेदारीलाई थप सुदृढीकरण गर्न र सबैका लागि स्वास्थ्यको महत्वपूर्ण एजेन्डालाई अघि बढाउने तर्पm पहल गर्नेछु।’’

डा राजेशले नेपालमा स्वास्थ्यकर्मीहरूले गरिरहेको कामको महत्वलाई जोड दिदै भन्नुभयो,‘‘सबैका लागि अत्यावश्यक स्वास्थ्य सेवाहरूको सुनिश्चितता गर्दै कोभिड—१९ महामारीको सामना गर्नका लागि हामी सबैले एकजुट हुनु अत्यावश्यक रहेको छ । विश्वभरि नै र नेपालमा पनि अग्रपंक्तिमा कार्यरत स्वास्थ्यकर्मीहरूमा बढिरहेको कोभिड—१९को संक्रमणले गर्दा म चिन्तित छु । यदि स्वास्थ्यकर्मीहरूनै जोखिममा भएमा, हामी सबै जोखिममा हुन्छौँ ।’’

विश्व स्वास्थ्य संगठनको प्रतिनिधिको रूपमा कार्यभार सम्हाल्दै र नेपालका जनतालाई आउँदै गरेको चाडपर्वका लागि शुभकामना व्यक्त गर्नुको साथै अपिल गर्दै भन्नुभयो, ‘‘नेपाली समाजका प्रत्येक सदस्यलाई जिम्मेवार भएर चाडपर्व मनाउनु हुन म आग्रह गर्न चाहन्छु । भीडभाड गरेर एकै ठाउँमा जम्मा हुँदा यो रोग देशका सबै कुनासम्म विस्तार हुन सक्छ।’’ नेपालका युवाहरुलाईअपिल गर्दै डा राजेशल भन्नुभयो, ‘‘युवाहरूले घरका जेष्ठ सदस्यहरूतथा जोखिममा रहेका अन्य सदस्यहरूको सुरक्षाको सुनिश्चितता गर्नुपर्दछ ।
युवाहरूपनिकोभिड—१९को समान जोखिममा रहेका हुन्छन् भनेर समेत उनीहरूले मनन् गर्नुपर्दछ । उनीहरूसँगदुइटाविकल्पछन्(जोखिम समूहमा रहेकाहरूको जीवनरक्षा गर्नेवाउनीहरूलाई जोखिममा पार्ने ।’’

नेपाल आउनु पूर्व, डा राजेश सन् २०१५ अप्रिलदेखि सन् २०२०, सप्टेम्बरसम्म टिमोर(लेस्टेको लागि विश्व स्वास्थ्य संगठनको प्रतिनिधि हुनुहुन्थ्यो । उहाँले सन् २००४ यताविश्व स्वास्थ्य संगठनमा विभिन्न पदमा रहेर सेवा गर्नुभएको छ । विगतमा उहाँ विश्व स्वास्थ्य संगठन, टिमोर(लेस्टेमा अवस्थित कार्यालयका लागि स्वास्थ्य नीति सल्लाहकार (सन् २०११—मार्च, २०१५), मेडिकल अधिकृत (जनस्वास्थ्य), विश्व स्वास्थ्य संगठन माल्दिभ्स कार्यालय (सन् २००९—२०११),

विश्व स्वास्थ्य संगठनको दक्षिणपूर्वी एशिया क्षेत्रीय कार्यालयको मानसिक स्वास्थ्य तथा लागूऔषध दुरूपयोग इकाइमा मेडिकल अधिकृत (सन् २००४—२००९)को रूपमा कार्यरत हुनुहुन्थ्यो ।
डा राजेशको विशिष्ट सेवाको उच्च मूल्याङ्कन गर्दै, उहाँलाई सन् २०१६ मा स्वीट्जरलेण्डको जेनेभामा विश्व स्वास्थ्य संगठन महानिर्देशक विशिष्ट पुरस्कारबाट सम्मानित गरिएको थियो भने टिमोर(लेस्टेमा शारीरिक गतिविधिलाई प्रबर्धन गर्दै‘‘वाक द टक’’ अभियानलाई उत्कृष्ट नेतृत्व प्रदान गरेकोमा विश्व स्वास्थ्य संगठनको टिमोर(लेस्टेको कार्यालयलाई सन् २०१८—१९का लागि विश्व स्वास्थ्य संगठन महानिर्देशकको विशिष्ट पुरस्कार प्राप्त भएको थियो ।
डा राजेशले पियर रिभ्युजर्नलहरूमा विभिन्न वैज्ञानिक आलेखहरू प्रकाशित गर्नु भएको छ । विश्व स्वास्थ्य संगठनमा आबद्ध हुनु पूर्व, डा राजेश संयुक्त राज्य अमेरिका स्थित पिटस्वर्ग विश्वविद्यालय मेडिकल सेन्टर अन्तर्गत वेस्टर्न साइक्याट्रिक इन्टिच्युट एण्ड क्लिनिक,मा वरिष्ठ अनुसन्धान सहायकको रूपमा कार्यरत हुनुहुन्थ्यो । उहाँले ग्रान्ट मेडिकल कलेज, मुम्बई, भारतबाट एमबिबिएसको तालीमतथा प्रमाणपत्र हासिल गर्नुभएको छ र संयुक्त राज्य अमेरिका स्थित पिटस्वर्ग विश्वविद्यालयबाट जनस्वास्थ्यमा स्नाकोत्तर गर्नुभएको छ ।