काठमाडौँ । सहकारी ठगी सम्बन्धी अभियोगमा बाँकेको एक सहकारी संस्थाका अध्यक्षलाई कास्की प्रहरीले पोखराबाट पक्राउ गरेको छ। प्रहरीका अनुसार बाँके जिल्ला अदालतले जारी गरेको पक्राउ पुर्जीका आधारमा इन्द्रेणी बचत तथा ऋण सहकारी संस्थाका अध्यक्ष जितेन्द्र थापालाई नियन्त्रणमा लिइएको हो। ४३ वर्षीय थापालाई मंगलबार पोखरा महानगरपालिका-८, सिर्जनाचोक क्षेत्रबाट पक्राउ गरिएको जिल्ला प्रहरी कार्यालय कास्कीले जनाएको छ।

प्रहरीका विवरण अनुसार ठगी कसुरमा अनुसन्धान अघि बढाइरहेका बेला अदालतबाट अनुमति प्राप्त पक्राउ आदेश कार्यान्वयन गर्दै उनलाई पक्राउ गरिएको हो। उनलाई आवश्यक कानुनी प्रक्रिया अघि बढाउन सम्बन्धित निकायमा बुझाइएको बताइएको छ।