काठमाडौँ । बितेका २४ घण्टामा दुई हजार ५५ सवारीचालक सवारी नियम उल्लङ्घनको कारबाहीमा परेका छन् । यसबाट राज्यकोषमा २२ लाख ११ हजार ५ सय २ रुपैयाँ राजस्व दाखिला भएको छ ।

काठमाडौँ उपत्यका ट्राफिक प्रहरी कार्यालयका अनुसार मादकपदार्थ सेवन गरेको ८३, नियमविपरीत ‘राइड सेयरिङ’ गरेका १ सय ९२, सङ्केत बत्ती उल्लङ्घनकर्ता १ सय ९ र तीव्र गतिमा सवारीसाधन हुइँक्याएका १ सय २ जनालाई कारबाही गरिएको हो ।

यसैगरी, ‘लेन’ अनुशासन पालना नगर्ने १ सय ४६, निषेधित क्षेत्रमा हर्न बजाउने १ सय ३, सडक पेटीमा सवारीसाधन पार्किङ गर्ने १ सय १२, एकतर्फी सडकमा सवारी चलाउने ८५ र अन्य सवारी नियम पालना नगरेका एक हजार १ सय २३ जनालाई कारबाही गरिएको हो ।