काठमाडौँ। याम्बालिंग हाइड्रोपावर लिमिटेडको आइपीओ आज बाँडफाँट भएको छ । कम्पनीको आइपीओ आज बिहान बिक्री प्रबन्धक मुक्तिनाथ क्यापिटल लिमिटेडको कार्यालयमा बाँडफाँड भएको हो ।

कम्पनीको आइपीओमा २९ लाख ८२ हजार ४९८ जनाले ३ करोड २४ लाख ७८ हजार २३० कित्ताका लागि आवेदन दिएका थिए । जसमध्ये २९ लाख ३८ हजार ८२ जनाले दिएको आवेदन मात्रै सदर भएको छ भने ४४ हजार ४१६ जनाको आवेदन बदर भएको छ ।

कम्पनीको  आइपीओमा  मागभन्दा  बढी आवेदन परेका कारण गोला प्रथाबाट बाँडफाँड गरिएको छ । गोला प्रथाबाट बाँडफाँड गर्दा १ लाख ७४ हजार ३०० जनाले १० कित्ताका दरले सेयर पाएका छन् भने बाँकी २७ लाख ६३ हजार भन्दा बढीको हात खाली भएको छ ।