अमेरिकाका दुई राज्यका केही क्षेत्रमा आँधीका कारण कम्तिमा २१ जनाको मृत्यु भएको छ । अमेरिकी राज्य केन्टकीका अधिकारीका अनुसार आँधीले १४ जनाको मृत्यु भएको छ । यस्तै मिसौरीमा सात जना र तीमध्ये सेन्ट लुईका पाँच जना रहेको बीबीसीले जनाएको छ ।

शनिबार बिहान केन्टकीको दक्षिण पूर्वमा स्थित लोरल काउन्टीमा यो आँधी आएको थियो । अधिकारीहरुका अनुसार मृतकको संख्या अझै बढ्न सक्छ ।

मिसौरीका अधिकारीहरुका अनुसार शुक्रबार आएको आँधीका कारणा पाँच हजार घरहरुमा क्षति पुगेको छ । कयौं घरका छतहरु उडाएको छ । बिजुली पनि अवरुद्ध भएको छ ।