काठमाडौं । मुक्तिनाथ कृषि कम्पनी लिमिटेडको आइपीओमा पहिलो दिनमै माग भन्दा १.६१ गुणा बढी आवेदन परेको छ ।

पहिलो दिन आज शुक्रबार मंसिर ८ गते साँझसम्ममा १८ करोड ४४ लाख ८७ हजार रुपैयाँ बराबरको १८ लाख ४४ हजार ८७० कित्ताका लागि आवेदन परेको हो । जुन सर्वसाधारणबाट माग गरिएको सेयर संख्याको तुलनामा १।६१ गुणा बढी हो ।

पहिलो दिनमा १ लाख ६४ हजार ८४२ जना सर्वसाधारणले आवेदन दिएका छन् । का लागि बिक्री खुला भएको छ । कम्पनीले नेपाल धितोपत्र बोर्डबाट जारी पुँजी ७० करोड रुपैयाँको २०५ ले हुने १४ करोड रुपैयाँ बराबरको सेयर निष्कासन गर्ने अनुमति पाएको थियो ।

जसमध्ये, कम्पनीले पहिलो चरणमा सोको १० प्रतिशतले हुन आउने १ करोड ४० लाख रुपैयाँ बराबरको १ लाख ४० हजार कित्ता सेयर वैदेशिक रोजगारीमा रहेका नेपालीहरुका लागि निष्कासन गरी बाँडफाँट गरिसकेको छ ।

दोस्रो चरणमा कम्पनीले ४२ हजार कित्ता सेयर कर्मचारीहरु र ७० हजार कित्ता सेयर सामूहिक लगानी कोषलाई छुट्याएर बाँकी रहेको ११ लाख ४८ हजार कित्ता सेयर सर्वसाधारणका लागि खुला गरेको हो । यसमा मंसिर १२ गतेसम्म आवेदन दिन सकिनेछ ।

लगानीकर्ताले यसमा न्यूनतम १० कित्तादेखि अधिकतम १ हजार कित्ताका लागि आवेदन दिन सक्नेछन् । सी–आस्वा प्राप्त बैंक तथा वित्तीय संस्था तथा मेरो सेयर मार्फत सेयर भर्न सकिनेछ । यो आइपीओमा एनआइएमबि एस क्यापिटल बिक्री प्रबन्धक रहेको छ ।