काठमाडौं । नेपाल वायुसेवा निगमले ट्वीनअटर जहाज नाइन एन–एबीएक्स उडानयोग्य नबनाएको भन्दै मातहतका विभाग प्रमुखलाई स्पष्टीकरण सोधेको छ ।

निगमका कार्यकारी अध्यक्ष युवराज अधिकारीले ट्वीनअटर जहाज नाइन एन–एबीएक्स मर्मत गरेर उडानयोग्य किन नबनाएको भन्दै कन्टिन्यूइङ्ग एयरवर्दिनेस म्यानेज्मेन्ट विभाग र इन्जिनियरिङ मेन्टिनेन्स विभागका निर्देशकसँग बुधबार जवाफ मागेका हुन् ।

निगम स्रोतका अनुसार जहाज मर्मत कार्य अगाडि बढाउन निर्देशन दिइएको भए पनि त्यस सम्बन्धी ठोस प्रगति किन हुन सकेन रु भन्दै तीन दिनमा जवाफ दिन भनिएको छ ।

त्यस्तै, संस्कृति, पर्यटन तथा नागरिक उड्डयन मन्त्री सुदन किराँती र कार्यकारी अध्यक्ष अधिकारी समक्ष जहाज मर्मत र उडायोग्य बनाउनेबारे किन बारम्बार गलत ब्रिफिङ गरेको ? भन्दै प्रश्न गरिएको छ ।

साथै, नाइन एन(एबीएक्स जहाज कहिलेसम्म उडानमा ल्याउन सक्नुहुन्छ रु ठोस कार्यविवरण र समयसीमासहित स्पष्ट जवाफ पेश गर्न भनिएको छ ।

नाइन एन–एबीएक्स जहाज उडानयोग्य बनाउन मन्त्री किराँती र कार्यकारी अध्यक्षको कार्यालयबाट गत साउनमा एक उपसमिति गठन गरिएको थियो । उक्त समितिले मंसिर १२ गते कार्ययोजना रिपोर्ट पेश गरेको थियो ।

उक्त रिपोर्टउपर नेवानि सञ्चालक समितिको बैठकले १२० दिनभित्र उडान योग्य बनाउन र मर्मत सम्भारको प्रगति विवरण हरेक १५र१५ दिनमा सञ्चालक समितिमा अद्यावधिक गराउन समेत निर्देश दिएको थियो ।

त्यस्तै, सीएएम विभाग र इन्जिनियरिङ मेन्टिनेन्स विभागलाई ३ महिनाभित्र मर्मत सम्भार गर्न स्पष्ट निर्देशन दिइएको थियो । तर, हालसम्म पनि उक्त जहाज उडायोग्य हुन सकेको छैन ।

हालसम्म पनि जहाजको आवश्यक स्पेयर पार्टसहरूको पूर्ण विवरण नबनाइएको, मर्मत सम्भारका लागि बाहिरबाट एमआरओ ल्याउने प्रक्रिया समेत शुरू भएको छैन ।