स्पेनिस ला लिगा अन्तर्गत बार्सिलोनाले लगातार छैटौं जित हासिल गरेको छ। गएराति सम्पन्न खेलमा बार्सिलोनाले भिल्लारियललाई ५–१ गोल अन्तरले पराजित गरेको हो।

बार्सिलोनाको जितमा रोबेर्ट लेवानडोस्की र राफिन्हाले २–२ गोल अग्रे भने पाब्लो टोरेले एक गोल गरेका थिए। त्यस्तै भिल्ला रियलका लागि एक गोल आयोज पेरेजले गरेका थिए।

यो जितपछि बार्सिलोनाको ६ खेलमा १८ अंक भएको छ र लिगमा शिर्ष स्थानमा कायम छ। त्यसैगरी भिल्ला रियलको ६ खेलमा ११ अंक रहेको छ र लिगमा पाँचौ स्थानमा छ।