citizens life insurance long ad
stcnepal long ad
Himalayan bank
national life

काठमाडौँ महानगरले २७ विद्यालयलाई दियो कक्षा थप्ने अनुमति

Prabhu Insurance Long Ad
himalayan Everest Insurance long ad

काठमाडौँ । काठमाडौँ महानगरपालिकाले २७ वटा विद्यालयलाई कक्षा–विषय थप गर्न अनुमति दिने निर्णय गरेको छ। महानगर प्रमुख बालेन्द्र साह(बालेन) को अध्यक्षतामा बसेको शिक्षा समिति बैठकले उक्त निर्णय गरेको शिक्षा विभागले जनाएको छ।

महानगरपालिकाको शिक्षा विभागका अनुसार सम्बन्धित क्षेत्रका विद्यालय निरीक्षक, स्रोत शिक्षक र महानगरपालिकाको सहरी योजना आयोगले गरेको स्थलगत अनुगमनबाट प्राप्त सिफारिसका आधारमा कक्षा थप गर्न अनुमति दिएको हो। यसका लागि ४१ वटा निवेदन आएका थिए।

यीमध्ये ७ वटालाई अनुमति नदिने, नाम परिवर्तनको निवेदन प्राप्त भए थप ४ वटालाई अनुमति दिने निर्णय भएको छ। धार्मिक विद्यालय दर्ताका सम्बन्धमा नेत्रनारायण पौडेलको संयोजकत्वमा अध्ययन समिति गठन गरिएको छ। कानुन विभागको अधिकृत स्तरको प्रतिनिधि र सम्बन्धित क्षेत्रको विद्यालय निरीक्षकलाई समितिको सदस्य राखिएको छ।

यस्तै, बैठकले नामसारीका लागि आएका ४ वटा निवेदनमध्ये २ वटालाई अनुमति नदिने, २ वटाले नाम परिवर्तनका लागि निवेदन दिए अनुमति दिने निर्णय गरेको छ।

स्थान परिवर्तनका लागि आएका ७ वटा निवेदनमाथि छलफल गर्दै, नाम परिवर्तनको निवेदन दिएमा ४ वटालाई अनुमति दिने निर्णय भएको छ।

महानगरपालिकाका अनुसार एकीकृत शैक्षिक व्यवस्थापन सूचना प्रणालीमा उल्लेख भएको तर उल्लेख गरिएको ठाउँमा विद्यालय नभएकोले वडा १० थापागाउँको डेनेव एकेडेमीलाई अनुमति दिइएन।

यस्तै, ठेगाना दिएको स्थान, महानगरपालिका वडा १० बानेश्वरमा नभएकोले काठमाडौँ मेरिगोल्ड स्कुलले पनि अनुमति पाएन। वडा ३१ स्थित भी। एस। निकेतन सेकेण्डरी स्कुलले वडा ३२ को सुविधा नगरमा स्थान सर्ने अनुमति पाएको छ।

स्वामित्व परिवर्तनका आएका ४ वटा निवेदनमाथि बैठकले छलफल गरेको थियो। यीमध्ये वडा ३ वसुन्धराको ज्येष्ठ स्कुलको एकीकृत शैक्षिक व्यवस्थापन सूचना प्रणालीमा रेकर्ड देखिएन। नाम परिवर्तनका लागि निवेदन दिएमा निवेदकमध्येका २ वटा विद्यालयलाई अनुमति दिने निर्णय भएको छ।

स्थान परिवर्तनसँगै स्वामित्व परिवर्तनको निवेदन दिएको वडा १० को काठमाडौं मेरिगोल्ड स्कुल ठेगाना राखिएको ठाउँमा नभएकोले अनुमति प्राप्त नभएको शिक्षा विभागले जनाएको छ।

महानगरपालिकाले दरबन्दी मिलान तथा प्रधानाध्यापक नियुक्ति सम्बन्धमा यस अघि तयार पारिएका प्रतिवेदन, शिक्षा तथा स्वास्थ्य समितिको सिफारिससहित थप अध्ययन गर्न सहरी योजना आयोगका सदस्य इञ्जिनियर शैलेन्द्र झाको संयोजकत्वमा ३ सदस्यीय समिति गठन गरिएको छ।

यस्तै,उक्त बैठकले कोटेश्वर सरस्वती माध्यमिक विद्यालयमा यसअघि गठन गरिएको विद्यालय व्यवस्थापन समिति कानुनसम्मत नदेखिएकोले पुनः गठनका लागि पत्राचार गर्ने निर्णय गरेको छ।

himalayan life insurance
igi long