काठमाडौं। १४औँ महाधिवेशन नजिकिँदै जाँदा नेपाली कांग्रेसमा उम्मेदवारको टुंगो लगाउन धमाधम आन्तरिक बैठक बस्न थालेका छन् ।

संस्थापन पक्षबाट सभापति एवं प्रधानमन्त्री शेरबहादुर देउवा पुनः सभापतिमा भिड्ने भएपछि संस्थापन इतर समूह साझा उम्मेदवारको टुंगो लगाउन लागि परेको छ । पछिल्लो तीन दिनदेखि औपचारिक छलफल भइरहे पनि अझै सभापतिका लागि साझा उम्मेदवारको टुंगो लगाउन सकिएको छैन ।

वरिष्ठ नेता रामचन्द्र पौडेल, केन्द्रीय सदस्यद्वय प्रकाशमान सिंह र डा. शेखर कोइरालाले सभापतिमा आफ्नो अडान कायमै राखेका छन् । महामन्त्री डा. शशांक कोइरालाले भने अरूले सहमति जनाए आफ्नो समर्थन वरिष्ठ नेता रामचन्द्र पौडेललाई रहने बताएका छन् ।

वरिष्ठ नेता पौडेलले बुधबार साँझसम्म निर्णयमा पुग्ने र उम्मेदवार घोषणा गर्ने दाबी गरेका छन । उनले भने, ‘सहमतिको निकै नजिक पुगेका छौं।

सबै कोणबाट छलफल गर्यौ। बुधबार साँझसम्म निर्णयमा पुग्छौं।’ संस्थापनइतर पक्षले आज पूर्वजिल्ला सभापति, निर्वाचित जिल्ला सभापति र प्रदेश सभापतिसँग परामर्श गर्दैछ । त्यसपछि रामचन्द्र पौडेल सभापतिमा उठने सम्भावना छ।

सिंह उपसभापति र डा. शेखर कोइराला महामन्त्रीमा उठने सम्भावना रहेको छ । तर सिंह र डा. शेखर सभापति भन्दा तल व्याक नहुँने भन्दैछन।