Prabhu Insurance
stcnepal long ad
prabhu bank long ad

एमालेलाई जेठ २ अघिको अवस्थामा फर्काउन अध्यक्ष ओली सहमत, कार्यदल मार्फत विवाद टुंग्याइने

civilbank long ad

काठमाडौं । सत्तारुढ नेकपा एमाले आपसी विवाद सल्टाउन सहमत भएको छ । पार्टी अध्यक्ष एवं प्रधानमन्त्री केपी शर्मा ओली पार्टीलाई २०७५ साल जेठ २ अर्थात माओवादी केन्द्रसँग पार्टी एकता गर्नुअघिको अवस्थामा फर्काउन सहमत भएपछि एमाले विवाद किनारा लाग्ने देखिएको हो ।

शुक्रवार भएको वार्ता सकारात्मक भएपछि अध्यक्ष ओली र वरिष्ठ नेता माधवकुमार नेपालबिच हिजो आफ्ना पक्षका नेताहरुसहित फेरि वार्ता भएको थियो । सिंहदरबारस्थित प्रधानमन्त्री कार्यालयमा भएको वार्तामा नेपाल समूहको मागअनुसार जेठ २ मा फर्किने सहमति भएको नेपाल समुहको दावी छ । जेठ २ मा फर्किएर समस्याको समाधान खोज्ने र त्यसका लागि कार्यदल बनाउने सहमतिमा उल्लेख छ ।

नेताहरुका अनुसार अब बन्ने कार्यदलले माओवादी केन्द्रबाट आएका नेताहरुदेखि २ जेठमा फर्किँदा कायम हुने एमालेको संरचना र त्यसको नेतृत्वबारे निर्णय गर्नेछ । नेपाल समूहले एमाले ब्युँताउने सर्वोच्च अदालतको २३ फागुनको फैसला अनुसार २ जेठ २०७५ अगाडि कै एमाले पार्टी संरचना, विधान र नेतृत्व कायम हुनुपर्ने अडान लिँदै आएको थियो ।


१ जेठ २०७८, शनिवार ०७:२० बजे प्रकाशित

kathmandu gov long ad
nabilbank long ad