काठमाडौं । पुरातत्व विभागमा लामो समय बिताएर त्यहीको नेतृत्व गरेका भेषनारायण दाहाल राष्ट्रिय तथा अन्तर्राष्ट्रिय क्षेत्रमा नाम कहलिएको कर्मचारी हुन ।

देशमा भुकम्प जाँदा होस वा सम्पदा संरक्षणका सवालमा जताततै दाहाल नै छाउथे । तर उनै दाहाल अब केही दिनमा भ्रष्टाचारी र कसुरदारका रुपमा फेरि एकपटक छाउने भएका छन् ।

संस्कृति, पर्यटन तथा नागरिक उड्डयन मन्त्री प्रेमबहादुर आलेको निर्देशनमा मन्त्रालयले नारायणहिटी दरबार सङ्ग्रहालयका निवर्तमान कार्यकारी निर्देशक भेषनारायण दाहालसहित संलग्नलाई कारवाहीका लागि पत्राचार गरेको छ ।

मन्त्री आलेले नेपाल प्रहरी र अख्तियार दुरुपयोग अनुसन्धान आयोगलाई कारबाहीका लागि पत्र लेखी पठाउने निर्णय गत मङ्गलबार गरेका छन् । गत बुधबार मन्त्रालयले ती दुवै ठाउँमा कारवाहीका लागि पत्र पनि पठाएको छ ।

दरबार सङ्ग्रहालय परिसरमा क्यान्टिन सञ्चालनसम्बन्धी अध्ययन तथा छानविन प्रतिवेदनसहित मन्त्रालयले निवर्तमान कार्यकारी निर्देशक दाहाल र बतास समूहको बि. म्यानेजेन्टका सञ्चालकलाई मुलुकी अपराध संहिता २०७४ को दफा १४७ अनुसार कारबाहीका लागि गत बुधबार पत्र लेखी पठाएको मन्त्रालयका सहसचिव तथा प्रवक्ता डा. टोकराज पाण्डेले जानकारी दिएका छन ।

सार्वजनिक सम्पदाविरुद्धको कसुरमा कारबाही गर्न मन्त्रालयले अख्तियार दुरुपयोग अनुसन्धान आयोग तथा प्रहरी प्रधान कार्यालयलाई पत्र पठाएको हो ।
उ

क्त पत्रमा निवर्तमान कार्यकारी निर्देशक दाहालले ‘सार्वजनिक सम्पत्तिको संरक्षण गर्न नसकेकाले’कारबाही गर्न भनी उल्लेख गरिएको छ ।

मुलुकी अपराध संहिता २०७४ को दफा १४७ मा राष्ट्रिय तथा सार्वजनिक सम्पदा पूर्वस्वीकृतीविना अतिक्रमण, भोगचलन गर्न नपाइने उल्लेख गरिएको छ ।

यो कसुर प्रमाणित भएमा कसुर गर्ने वा गराउने व्यक्तिलाई तीन वर्षसम्म कैद वा रु ३० हजार जरिवाना वा दुवै सजाय हुनसक्ने कानुनी व्यवस्था रहेको छ ।

यसैगरी दरबार सङ्ग्रहालय परिसरमा क्यान्टिन९क्याफ्टेरिया० सञ्चालनमा भ्रष्टाचारजन्य क्रियाकलाप भएकाले आवश्यक कारबाही गर्न अख्तियार दुरुयोग अनुसन्धान आयोगलाई समेत मन्त्रालयले पठाएको पत्रमा उल्लेख गरिएको छ ।

मन्त्रालयले अख्तियारलाई पठाएको पत्रमा दाहालले सरकारले दिएको जिम्मेवारी कुशलतापूर्वक निर्वाह गर्न नसकेको र बि म्यानेजमेन्टले गरेको अतिक्रमण रोक्न नसकेको उल्लेख गरिएको छ । मङ्गलबार नाराणहिटी दरबार सङ्ग्रहालयका प्रमुख कार्यकारी निर्देशक भेषनारायण दाहालले आफ्नो पदबाट राजीनामा दिएका थिए ।

उनको राजीनामा सोही दिन स्वीकृत भइसकेको छ । मन्त्रीको आदेश मानेर नारायणहिटी दरवारमा क्यान्टिन सञ्चालनका नाममा डान्स, डिस्को र ठुलो रेष्टुरेन्ट सञ्चालन गर्न दिने टेण्डर निकाली ठेक्का दिदा दाहाललाई भष्टाचार मुद्दामा फसाइने भएको छ। जागिरको अन्तिम बेलामा आनन्दराज बतासले दिएको ४–५ लाखको लोभ गर्दा उनी फसेका छन।