काठमाडौं । सरकार मातहतको राष्ट्रिय बीमा कम्पनी लिमिटेडमा जागिर खुलेको छ। कम्पनीमा चौथो तहदेखि नवौं तहसम्म खुला प्रतियोगितात्मक परीक्षाबाट पदपूर्ति गर्नका लागि दरखास्त खुलाएको छ।

कम्पनीले सहायक ‘ख’ (चौथो तह) मा ६ र सहायक ‘क’ (पाँचौं) मा ४ जनाका लागि दरखास्त खुलाएको छ। यसैगरी सूचना प्राविधिक अधिकृत (छैटौं तह) मा २ जना र सूचना प्राविधिक सहायक (पाँचौं तह) मा १ जनाका लागि जागिरको अवसर सिर्जना गरिएको छ।

सातौं तहअन्तर्गत कम्पनीले नायब व्यवस्थापक, कानुन अधिकृत र सूचना प्राविधिक अधिकृतमा १–१ जनाका लागि दरखास्त आह्वान गरेको छ।

यसैगरि आठौंतहको सहव्यवस्थापकमा २ जना र नवौं तहको व्यवस्थापकमा १ जना कर्मचारी भर्न गर्ने गरी कम्पनीले विज्ञापन खुलाएको छ। इच्छुक उम्मेदवारले आगामी माघ १ गतेसम्म दरखास्त बुझाउन सक्नेछन्। दोब्बर दस्तुर तिरी माघ ८ गतेसम्म दरखास्त दिन सकिने सुचना निकालेको छ।