citizens life insurance long ad
stcnepal long ad
Himalayan bank
national life

अमेरिकामा बसोबास गर्ने नेपालीहरूले मनाए भाइटीका

Prabhu Insurance Long Ad
himalayan Everest Insurance long ad

काठमाडौं । अमेरिकामा बसोबास गर्ने नेपालीहरूले गत वर्षभन्दा यस पटक रमाइलो गरेर भाइटीका मनाएका छन् । गत वर्षको तुलनामा कोरोना सङ्क्रमण न्यून हुँदै गएकोले रमाइलोसँग मनाउन पाएका हुन् ।

नेपालमा भाइटीकाको उत्तम साइत ११:०२ बजे तोकिएकोले त्यही साइतमा पनि अमेरिकामा टीका लगाइएको छ । अमेरिकामा भाइटीकाको टीका दिनभर लगाउन कुनै बाधा नभए पनि साइत खोज्नेका लागि मध्याह्न ११ः२५ बजेको समय उत्तम भनिएकाले अमेरिकामा बसोबास गर्ने नेपालीहरूले पनि यही समयमा पनि टीका ग्रहण गरेका छन् ।

अन्तर्राष्ट्रिय पञ्चाङ्ग निर्णय समितिले विभिन्न देशमा भाइटीकाको साइत सार्वजनिक गरे पछि त्यस समयलाई पनि धेरैले पछ्याएका छन् । अमेरिकामा विभिन्न राज्य तथा सहरहरूको समय कतै १ घण्टा, कतै २ घण्टा र कतै ३ घण्टाको समेत फरक भएकाले स्थानीय समय अनुसार नेपाली समुदायले भाइटीका लगाएका छन् ।

अमेरिकामा तिहारका सबै सामाग्रीहरू भारतीय र नेपाली समुदायले खोलेका पसलमा पाइने हुनाले तिहार मनाउन सजिलो हुने गरेको छ । भाइटीकामा दिदीबहिनीले दाजुभाइलाई तेलको धाराले छेकेर परम्परा अनुसार सप्तरङ्गी वा पञ्चरङ्गी टीका, मखमली, सयपत्री र गोदावरी लगायतका फूलका माला लगाइदिएका छन् । सेलरोटी र अन्य सामाग्रीहरू दिदीबहिनीहरूले आफैँ बनाएका छन् ।

टीका लगाइदिएपछि दिदीबहिनीले दाजुभाइलाई ओखर, काजु, किसमिस, मरमसला एवं सेलरोटी लगायतका खानेकुरा दिने र दाजुभाइले पनि दिदीबहिनीलाई गच्छेअनुसार दक्षिणा वा उपहार दिई सम्मान प्रकट गरेका छन् ।

नेपालबाट सानैमा अमेरिका आएका तथा अमेरिकामै जन्मिएकाहरूलाई अभिभावकहरूले नेपाली चाडपर्वको महत्त्वबारे जानकारी दिएर ठुलो भूमिका निर्वाह गरेका छन् । अमेरिकामा खोलिएका नेपाली पाठशालाका विद्यार्थीहरू र आफ्ना सन्तानलाई देउसी भैलो खेल्न प्रोत्साहन समेत गरेका छन् ।

अमेरिकामा बसोबास गर्ने नेपालीहरूले नेपालमा जस्तै काग तिहारदेखि भाइटीकासम्म आफ्नो निवासलाई झिलिमिली बनाएका छन् । अमेरिकामा विभिन्न राज्य, सहर, गाउँ क्षेत्रमा बसोबास गर्ने नेपालीले लक्ष्मी पूजा पनि श्रद्धा भक्तिका साथ मनाएका छन् ।

himalayan life insurance
igi long