काठमाडौं । सरकारले आगामी असोज १ गतेदेखि सहुलियत पसल सञ्चालन गर्ने भएको छ । उद्योग, वाणिज्य तथा आपूर्ति मन्त्रालयले देशका ३९ स्थानमा सहुलियत पसल सञ्चालन गरिने जनाएको छ । उक्त सहुलियत पसल कात्तिक २४ गतेसम्म सञ्चालन हुनेछ ।

सहुलियत पसलमा सरकारले छुट सहित खाद्य वस्तुको बिक्री गर्ने छ । जसमा मसिनो चामलमा प्रतिकिलो ५ रुपैयाँ छुट हुनेछ । यस्तै, सिमी प्रतिकिलो १० रुपैयाँ, नुन प्रतिकिलो २ रुपैयाँ, चिनी प्रतिकिलो ५ रुपैयाँ छुट पाइने मन्त्रालयले बताएको छ ।

यसैगरी, खसीबोका प्रतिकिलो १० रुपैयाँ र दुग्ध विकास संस्थान मार्फत बिक्री हुने घ्यू, दुध र पनिरमा पनि छुट दिने बताइएको छ ।