citizens life insurance long ad
stcnepal long ad
Himalayan bank
national life

अनिश्चित कालका लागि श्रम स्वीकृति बन्द

Prabhu Insurance Long Ad
himalayan Everest Insurance long ad

आर्थिक सञ्जाल शुक्रबार,३० फागुन २०७६

काठमाडौं । सरकारले श्रम स्वीकृति अनिश्चित कालका लागि बन्द गरेको छ । वैदेशिक रोजगारीका लागि दिइने श्रम स्वीकृत सरकारले अनिश्चित कालका लागि स्थगित गरेको हो ।

विश्व स्वास्थ्य स्वास्थ्य संगठन (डब्लूएचओ)ले कोरोना भाइरसलाई महामारीको घोषणा गरेपछि बिहीबार बसेको उच्चस्तरीय समन्वय समितिको बैठकले यस्तो निर्णय गरेको हो ।

अब विदेश जाने विद्यार्थीहरुलाई पनि अप्रिल ३० अगाडि नो अब्जेक्सन सर्टिफिकेट पाउने छैनन् ।

यस अघि सरकारले देक्षिण कोरियामा मात्रै कामदार नपठाउने निर्णय गरेको थियो ।

यस्तै, तेस्रो मुलुकका नागरिकहरुलाई स्थलमार्ग हुँदै नेपाल प्रवेशमा दिइँदै आएको सुविधा १४ मार्च २०२० देखि ३० अप्रिल २०२०सम्मका लागि स्थगित गरिएको छ । विदेशीहरुलाई दिइँदै आएको अनअराइभल भिसा १४ मार्च २०२० देखि ३० अप्रिल २०२० सम्मका लागि स्थगित गरिएको छ ।

यसअघि भिसा लिइसकेका विदेशी नागरिकहरुले नेपालको अध्यागमन विन्दुमा आईपुग्ने मितिभन्दा सात दिनभित्रको स्वास्थ्य जाँच रिपोर्ट अध्यागमन कार्यालयमा बुझाउनु पर्ने व्यवस्था गरिएको छ ।

१४ मार्च २०२० देखि नेपाल प्रवेश गर्ने नेपाली, गैरआवासीय नेपाली र विदेशीहरुले १४ दिनसम्म क्वारेन्टाइनमा बस्नुपर्ने छ ।

himalayan life insurance
igi long