काठमाडौँ । नेपाली युवा उद्यमी मञ्च (एनवाईईएफ) काठमाडौं च्याप्टरले आयोजना गरेको ग्लोबल आईएमई बैंकद्वारा प्रस्तुत एनवाईईएफ स्टार्टअप अवाड्र्स ४.० भव्य रूपमा सम्पन्न भएकोे छ ।

नेपाली स्टार्टअपहरूको नवप्रवर्तनात्मक भावना र उद्यमशील उत्कृष्टताको उत्सव स्वरूप आयोजित यस कार्यक्रमलाई काठमाडौँको प्रतिष्ठित ह्यात रेजेन्सी होटल, चाबहिलमा आयोजना गरिएको थियो । उक्त कार्यक्रममा १५० भन्दा बढी विशिष्ट पाहुनाहरूको सहभागिता रहेको थियो ।

यस वर्षको विजेता डीएल अपलोडलाई रु. ४,००,००० नगद पुरस्कार सहित प्रतिष्ठित स्टार्टअप अवार्ड प्रदान गरियो । उपविजेताको रुपमा मेल्ट डाउनलाई रु. २,००,००० नगद पुरस्कार प्रदान गरियो भने खेतीपाती अर्गानिक्सले Audience Pick Award जित्दै रु. १,००,००० प्राप्त ग¥यो ।

विशिष्ट पाहुना र नेतृत्व

कार्यक्रमको प्रमुख अतिथि राष्ट्रिय योजना आयोगका उपाध्यक्ष प्रा. डा. शिवराज अधिकारी र विशेष अतिथिका रूपमा नेपाल उद्योग वाणिज्य महासंघका अध्यक्ष चन्द्रप्रसाद ढकाल रहनु भएको थियो ।

उक्त कार्यक्रममा बोल्दै, विशेष अतिथि चन्द्रप्रसाद ढकालले स्टार्टअपहरूलाई आर्थिक वृद्धि र नवप्रवर्तनमा महत्वपूर्ण भूमिका खेल्ने विषयमा जोड दिए ।

प्रमुख अतिथि प्रा. डा. शिवराज अधिकारीले स्टार्टअपहरूलाई सफल बनाउन अनुकूल नीति निर्माणको आवश्यकता रहेको पनि औँल्याए ।

एनवाईईएफ काठमाडौँ च्याप्टरका अध्यक्ष अभिमन्यु गोल्छाले कार्यक्रमलाई कुशल नेतृत्वद्वारा सञ्चालन गरेका थिए ।

उनको नेतृत्वमा एनवाईईएफ स्टार्टअप अवाड्र्स ४.० ले नवीनता र उद्यमशीलतालाई प्रेरणा दिने उत्कृष्ट मञ्चको रूपमा व्यापक प्रशंसा प्राप्त ग¥यो ।

नेपालका उत्कृष्ट स्टार्टअपहरूको प्रदर्शन

कार्यक्रममा निम्न सात उत्कृष्ट स्टार्टअपहरू अन्तिम चरणमा पुगेका थिएः

•  ⁠डीएल अपलोड
•  ⁠मेल्ट डाउन
•  ⁠खेतीपाती अर्गानिक्स
•  ⁠ज्ञान बजार
•  ⁠ई–कागजपत्र
•  ⁠माच२० अर्बिटल्स
•  ⁠स्मार्टपालिक

यी सबै फाइनलिस्टहरूले आफ्नो नवीन सोच र उद्यमशील प्रतिभा प्रदर्शन गर्दै सहभागीहरूमा गहिरो छाप छोडे ।

प्रायोजक र साझेदारहरू

यस कार्यक्रमको सफलता ग्लोबल आईएमई बैंकजस्ता शीर्षक प्रायोजकहरू र अन्य साझेदारहरूको उदार सहयोगबाट सम्भव भएको हो ।

एनवाईईएफ स्टार्टअप अवाड्र्सले राष्ट्रिय र अन्तर्राष्ट्रिय बजारमा सफलताका लागि नेपालको सबैभन्दा आशाजनक स्टार्टअपहरूको पहिचान र सम्मान गर्ने महत्वपूर्ण मञ्चको रूपमा भूमिका निर्वाह गर्दै आएको छ ।

कार्यक्रममा एनवाईईएफ काठमाडौँ च्याप्टरले सबै सहभागी र विजेताहरूप्रति हार्दिक बधाई ज्ञापन गर्दै नेपालमा  समृद्ध  उद्यमशील प्रणाली निर्माण गर्न निरन्तर प्रयास गर्ने प्रतिबद्धता व्यक्त गरेको थियो ।