citizens life insurance long ad
stcnepal long ad
Himalayan bank
national life

शिक्षकहरूले रोके एसइईको उत्तर पुस्तिका परीक्षण

Prabhu Insurance Long Ad
himalayan Everest Insurance long ad

काठमाडौँ । काठमाडौँ र ललितपुरको परीक्षण केन्द्रमा माध्यमिक शिक्षा परीक्षा (एसइई)  को उत्तर पुस्तिका परीक्षण कार्य रोकिएको छ । शिक्षकहरूले पारिश्रमिक कम भएको भन्दै उत्तर पुस्तिका परीक्षण रोकेका हुन् ।

प्रमुख तीन दल निकटका शिक्षक सङ्गठनले एक विज्ञप्ति जारी गर्दै पारिश्रमिक नबढाएसम्म उत्तर पुस्तिका परीक्षण गर्न नसक्ने बताएका छन् ।

नियमअनुसार एसइई परीक्षाको उत्तर पुस्तिका परीक्षणमा सहभागी हुन चाहने शिक्षकका लागि सरकारले आह्वान गर्छ ।

सूचनाका आधारमा सम्पर्कमा आएकाहरूबाट विषयगत शिक्षकहरू छनोट गरिन्छ र एक दिनको अभिमुखीकरण तालिमपछि परीक्षणको काम सुरु हुन्छ ।

सोही अनुसार गत आइतबार ललितपुर र सोमबार काठमाडौँका शिक्षकहरूको अभिमुखीकरण कार्यक्रम सम्पन्न भएको थियो । मङ्गलवारबाट पुस्तिका जाँच गर्ने कार्य सुरु हुन पर्ने थियो ।

तर त्यसो हुन सकेन । तालिम लिएर कापी जाँच हुनुपर्ने ठाउँमा नेपाल राष्ट्रिय शिक्षक सङ्गठन, नेपाल शिक्षक संघ, अखिल नेपाल शिक्षक सङ्गठन र प्रधान र प्रगतिशील शिक्षक सङ्गठन विज्ञप्ति निकालेर पारिश्रमिक नबढाएसम्म उत्तर पुस्तिका परीक्षण गर्न नसक्ने घोषणा गरेका छन् ।

कक्षा १२ को उत्तर पुस्तिका परीक्षणका लागि दिइने समान अर्थात् (प्रतिउत्तर पुस्तिका ३० रुपैयाँ पाउनुपर्ने उनीहरूको माग छ ।

हाल एसइईको उत्तर पुस्तिका परीक्षणको २४ र सम्परीक्षणको ६ रुपैयाँ पारिश्रमिक तोकिएको छ । कर कट्टा गर्दा एउटा उत्तर पुस्तिका परीक्षणको २० रुपैयाँ जति शिक्षकको खल्तीमा पर्छ ।

नवनियुक्त शिक्षामन्त्रीले राजनीतिक दलमा आबद्ध शिक्षकहरूलाई कारबाही गर्ने प्रक्रिया अगाडी बढाइरहेको बेलामा उनलाई अप्ठेरो पार्न दलनिकट सङ्गठनले यस्तो अडान लिएको अनुमान छ ।

उत्तर पुस्तिका जाँच गर्ने चाहना प्रकट गरेर तालिमसमेत लिएपछि अन्तिम घडीमा आएर पैसा नबढाए कापी नजाँच्ने अडान लिइएको हो ।

himalayan life insurance
igi long