काठमाडौं । सुदूरपश्चिम, कर्णाली प्रदेश लगायत देशका पहाडी भू–भागमा आज आंशिक बदली हुनेछ । कोशी,बागमती, गण्डकी र कर्णाली प्रदेशका पहाडी भू–भागका केही स्थानमा भने मेघगर्जनसहित हल्का वर्षाको सम्भावना छ ।

उच्च पहाडी तथा हिमाली भू–भागका केही स्थानमा हल्का हिमपातको सम्भावना रहेको जल तथा मौसम पूर्वानुमान महाशाखाले जनाएको छ ।

आज राती पनि सुदूरपश्चिम र कर्णाली प्रदेशका पहाडी भू–भागमा आंशिक बदली हुने महाशाखाको अनुमान छ ।

सुदूरपश्चिम,कर्णाली र गण्डकी प्रदेशको पहाडी भू–भागको केही स्थानमा मेघगर्जन सहित हल्का वर्षाको सम्भावना छ । गण्डकी र कर्णाली प्रदेशको उच्च पहाडी भेगका केही स्थानमा हल्का हिमपातको सम्भावना छ ।

काठमाडौं उपत्यकाको न्यूनतम तापक्रम १३ डिग्री १ सेल्सियस मापन गरिएको छ भने अधिकतम तापक्रम ३१ दशमलव १ डिग्री पुग्ने अनुमान गरिएको छ ।