काठमाडौँ । अख्तियार दुरुपयोग अनुसन्धान आयोगले नापी सर्वेक्षक रामवीर यादवसहित तीन जनालाई घुससहित पक्राउ गरेको छ ।

आयोगको टंगाल कार्यालयबाट खटिएको टोलीले नापी कार्यालय ललितपुरका नापी सर्वेक्षक रामविर यादव, लेखापढी व्यवसायी दिनेश बन्जरा र विनोद अधिकारीलाई २ लाख ५० हजार घुससहित पक्राउ गरिएको हो ।

उनीहरू तीन जना मंगलबार नापी कार्यालय परिसरबाट पक्राउ परेका हुन् । कित्ताकाट गर्न सहजीकरण गरेबापत घुस मागिरहेको सूचनाका आधारमा उनीहरूलाई पक्राउ गरिएको अख्तियारले जनाएको छ । तीनै जनामाथि थप अनुसन्धान भइरहेको छ ।