आर्थिक सञ्जाल सोमबार,३ चैत्र २०७६

काठमाडौँ । एनएमबि लघुवित्त वित्तीय संस्थाको सातौँ वार्षिक साधारण सभा चैत २६ गते हुने भएको छ । शुक्रबार बसेको सञ्चालक समितिको बैठकले बिहान ११ बजे सिटी स्क्वायर पार्टी प्यालेज न्यूरोड पोखरामा साधारण सभा गर्ने निर्णय गरेको हो । साधारण सभाले सञ्चालक समितिले प्रस्ताव गरे अनुसार हाल कायम चुक्तापूँजी ४० करोड ५० लाख १५ हजार ६ सय २५ रुपियाँको १२ प्रतिशतले हुन आउने ४ करोड ४६ लाख १ हजार ८ सय ७५ रुपियाँ बराबरको बोनस शेयर र ०.६३ प्रतिशतले हुन आउने २५ लाख ५७ हजार ९ सय ९३ रुपियाँ नगद लाभांश(बोनस शेयरको कर प्रयोजनको लागि) पारित गर्नेछ ।

अन्य लघुवित्त संस्थासंग गाभ्ने/गाभिन(मर्जर) वा प्राप्ति(एक्वीजिशन)को प्रक्रिया लगायतका सम्पूर्ण कार्यको लागि सञ्चालक समिति वा समितिले तोकेको व्यक्तिलाई जिम्मेवारी दिने निर्णय पनि गरेको छ ।

साधारण सभा प्रयोजनको लागि चैत १० गतेदेखि २६ गतेसम्म संस्थाको शेयरधनी दर्ता किताब बन्द गर्ने निर्णय गरिएको कम्पनी सचिव गोबिन्द बाँस्तोलाले जनाएका छन् ।