citizens life insurance long ad
stcnepal long ad
ime life insurance
global bank

मूल्य घट्ने अनुमानमा पेट्रोल पम्पहरूले तेल नउठाउँदा पेट्रोलियम पदार्थको अभाव देखिए

निगमले खटायो तीन टोली

Nimb long ad
Prabhu Insurance Long Ad
global bank

काठमाडौं । मूल्य घट्ने अनुमानमा पेट्रोल पम्पहरूले तेल नउठाउँदा पेट्रोलियम पदार्थको अभाव देखिएको छ । काठमाडौँ लगायत देशभरका धेरै पेट्रोल पम्पले ‘पेट्रोल छैन’ भन्ने बोर्ड टाँसेर पम्प बन्द गरेका हुन् ।

मङ्गलवार नेपाल आयल निगमले पेट्रोलमा २० रुपैयाँ तथा डिजेल तथा मट्टितेलमा प्रतिलिटर ३० रुपैयाँको दरले मूल्य घटाएको थियो । स्वचालित मूल्य प्रणाली अनुसार प्रत्येक अङ्ग्रेजी महिनाको १५ तारिख र अन्तिम दिन मूल्य समायोजन गर्ने व्यवस्था अनुसार निगमले मङ्गलवार मूल्य समायोजन गरेको हो ।

अन्तर्राष्ट्रिय बजारमा पेट्रोलियम पदार्थको मूल्य घटेको बेला नेपाली बजारमा घट्ने निश्चित भएको अवस्थामा धेरै इन्धन उठाउँदा नोक्सानमा जाने भयले मङ्गलवार अधिकांश पम्पले डिपोबाट इन्धन नउठाएको नेपाल आयल निगमका प्रवक्ता मनोज ठाकुरले जानकारी दिए । सोही कारण पम्पहरूले पेट्रोल नबाँडेको जानकारी आएको उनको भनाइ छ ।

बजारमा पेट्रोलियम पदार्थको अभाव देखिएपछि नेपाल आयल निगमले काठमाडौं उपत्यकामा तीन वटा टोली परिचालन गरेर अनुगमन गरिरहेको छ । उक्त टोलीले सम्बन्धित पेट्रोल पम्पमा जाने र बन्द भएको वा इन्धन वितरण नगरेको पाइए तत्कालै सिल गर्ने कार्यादेश पाएका छन् ।

IME Life
kumari