काठमाडौं । हिमालयन इन्जिनियरिङ एण्ड इनर्जीद्वारा प्रवर्द्धित दुई मेगावाट क्षमताको अरुण खोला-२ जलविद्युत आयोजनामा प्राइम कमर्सियल बैंकले ऋण लगानी गर्ने भएको छ।

बैंक र इनर्जीका प्रतिनिधिबीच सोमबार सम्झौतापत्रमा हस्ताक्षर भएको हो। बैंकका तर्फबाट डेपुटी जनरल म्यानेजर नारायणप्रसाद श्रेष्ठ र कम्पनीका तर्फबाट सञ्चालक अध्यक्ष ओमप्रसद भट्टराईले हस्ताक्षर गरेका छन्।

परियोजनाको अनुमानित लागत ४८ करोड ६४ लाख रुपैयाँ रहने अनुमान गरिएको छ। यसमध्ये बैंकले ३० करोड र बाँकी लागत प्रवर्धक कम्पनीहरुबाट जुटाइने आयोजनाले जनाएको छ।

आयोजनाबाट सुख्खायाममा ४.८६४ मेगावाट र वर्षायाममा ८.३१९ मेगावाट विद्युत उत्पादन हुने जनाइएको छ। आयोजना १५ महिनाभित्रमा निर्माण सम्पन्न गर्ने लक्ष्य रहेको छ।