छ्याङ्दी हाइड्रोपावरको शतप्रतिशत हकप्रद सेयर सुरक्षित गर्ने आज अन्तिम दिन
Aarthik Sanjal
249
shares
काठमाडौं । छ्याङ्दी हाइड्रोपावरको शतप्रतिशत हकप्रद सेयर सुरक्षित गर्ने आज जेठ १ गते बिहीबार अन्तिम दिन हो । यस कम्पनीले हकप्रद सेयर बिक्री प्रयोजनका लागि जेठ २ गते शुक्रबार बुक क्लोज गर्दैछ ।
तसर्थ, जेठ १ गतेसम्म कायम रहने सेयरधनीहरुले मात्र छ्याङ्दी हाइड्रोपावरको हकप्रद सेयरमा आवेदन दिन पाउनेछन् ।
कम्पनीले प्रतिकित्ता १०० रुपैयाँको दरले १ः१ अनुपातमा ३८ लाख ६९ हजार ७७५ कित्ता हकप्रद सेयर बिक्री गर्न लागेको हो ।
यसमा बिक्री प्रबन्धक ग्लोबल आइएमई क्यापिटल रहेको छ । हकप्रद बिक्रीपछि छ्याङ्दीको चुक्ता पुँजी ७७ करोड ३९ लाख ५५ हजार रुपैयाँ पुग्नेछ ।
