सिरियाली नयाँ विदेशममन्त्री असद हसन अल शिवानीले आफ्नो पहिलो विदेश भ्रमण साउदी अरेबियाबाट सुरु हुने बताएका छन् ।

उनले आफ्ना साउदी समकक्षी राजकुमार फैसल बिन फरहान बिन अब्दुल्लाको भ्रमण निम्तो स्वीकार गर्दै आफ्नो आधिकारिक पहिलो विदेश यात्रा साउदीबाटै सुरु हुने बताएका हुन् ।

सोमबार सामाजिक सञ्जाल एक्समा एक पोष्ट गर्दै अल शिवानीले ‘म आफ्नो पहिलो आधिकारिक यात्रा (साउदी अरब)मा आफ्नो देशको प्रतिनिधित्व गर्दैगर्दा सम्मानित महशुस गरिरहेको छुँ’ भनेका छन् ।

अल शिवानी २१ डिसेम्बरमाा मात्रै सिरियाको अन्तरिम सरकारका विदेशमन्त्री नियुक्त भएका थिए । जो बशर अल असदको सत्तापलटपछि देशको पहिलो शीर्ष राजनेता बनेका बताइन्छ ।