काठमाडौं । युनियन लाइफ इन्स्योरेन्सले वैशाख २३ गते वार्षिक साधारण सभा बोलाएको छ । सभा, टाइगर प्यालेस रिसोर्ट भैरहवा, रुपन्देहीमा बिहान १०ः३० बजेबाट सुरु हुनेछ । सभामा कम्पनीले संस्थापक समूहबाट ४ जना र सर्वसाधारण समूहबाट २ जना सञ्चालकको निर्वाचन गर्ने एजेन्डा पेश गर्दैछ ।

स्वतन्त्र विज्ञ सञ्चालकको नियुक्तिको प्रस्ताव पनि पेश गर्दैछ । सभामा अन्य जीवन बिमा कम्पनीहरुसँग गाभ्ने–गाभिने सम्बन्धि सम्पूर्ण कार्य गर्न सञ्चालक समितिलाई अख्तियारी प्रदान गर्ने प्रस्ताव पनि छ ।

बिमा समितिले जीवन बिमा कम्पनीहरुको चुक्ता पुँजी ५ अर्ब रुपैयाँ र निर्जीवन बिमा कम्पनीको चुक्ता पुँजी २ अर्ब ५० करोड रुपैयाँ पुर्याउन निर्देशन दिएसँगै कम्पनीहरु मर्ज एक्वायरमा जान तातेका छन् ।

यस्तै, आर्थिक वर्ष २०७६/०७७ को वार्षिक प्रतिवेदनमा पनि छलफल हुनेछ । लेखा परीक्षकको नियुक्त गर्ने र निजको पारिश्रमिक निर्धारण गर्ने एजेन्डा पनि छ । सभा प्रयोजनका लागि यसले वैशाख मंगलबार १३ गते बुक क्लोज गर्दैछ । सोमबार वैशाख १२ गतेसम्म कायम सेयरधनीले कम्पनीको सभामा भाग लिन सक्नेछन् ।