काठमाडौं । ज्योति लाइफ इन्स्योरेन्स कम्पनीको शेयर रजिष्ट्रारमा एनआइसी एशिया क्यापिटल नियुक्त भएको छ । आज ज्योति लाइफ इन्स्योरेन्स कम्पनी लिमिटेड र एनआइसी एशिया क्यापिटल लिमिटेडबीच शेयर रजिष्ट्रार नियुक्ती गर्ने सम्बन्धी सम्झौता भएको छ ।

अब ज्योति लाइफ इन्स्योरेन्स कम्पनी लिमिटेडको धितोपत्र कारोबार सम्बन्धी अभिलेख राख्ने, दाखिला खारेज, नामसारी, रोक्का राख्ने शेयरवालाहरुको लागत अद्यावधिक गरी राख्ने लगायतका शेयर रजिष्ट्रार अन्तर्गतको सम्पूर्ण कार्यहरु चैत्र १८ गते बुधबारदेखि एनआइसी एशिया क्यापिटल लिमिटेड,बबरमहल, काठमाण्डौ मार्फत हुने कम्पनीले जनाएको छ ।