काठमाडौं । सिटिजन लाइफ इन्स्योरेन्स लिमिटेडको आठौँ वार्षिकउत्सवको अवसरमा कम्पनीको म्याग्दी शाखाले विश्वको प्रसिद्ध प्राकृतिक उपचार केन्द्र बेनी नगरपालिका ४ तातोपानी कुण्डमा सरसफाई तथा अन्य सामग्री वितरण गरेको छ।

उक्त कार्यक्रममा प्रमुख अतिथि तातोपानी कुण्ड व्यवस्थापन समितिको अध्यक्ष कृष्णबहादुर खड्का रहेका थिए । उक्त कार्यक्रमको सभापतित्व सिटिजन लाइफ इन्स्योरेन्स कम्पनीको शाखा प्रमुख भावना पौडेलले गरेकी थिइन् ।

सो कार्यक्रममा तातोपानी व्यवस्थापन समितिका सम्पूर्ण पदाधिकारीहरू उपस्थिति भए । तातोपानी व्यवस्थापन समितिले सिटिजन लाइफको टिमलाई सम्मानसँगै मायाको चिनो हस्तान्तरण समेत गरेको छ ।

उक्त कार्यक्रममा तातोपानी कुण्ड व्यवस्थापन समितिको अध्यक्षले तातोपानी कुण्डको बारेमा विस्तृत रुपबाट जानकारी गराएका थिए । कम्पनीकी शाखा प्रमुख भावना पौडेलले सिटिजन लाइफको र कार्यक्रमको बारेमा प्रष्ट पारेकी थिइन् ।

कार्यक्रममा सिटिजन लाइफ म्याग्दी शाखाको कर्मचारी र एजेन्सी म्यानेजरहरूको समेत उपस्थिति थियो। उक्त सरसफाई सामग्री वितरण कार्यक्रममा १२ हजार बराबरको कार्यक्रम हस्तान्तरण गरिएको थियो।