prabhu bank
national life
sunrise bank
citizens bank
stcnepal long ad

पहिलो दिनमै सगरमाथा जलविद्युतको आइपीओमा ३४ लाख कित्ताका लागि आवेदन

macchha(MBL)
Prabhu Insurance Long Ad
nabil bank
himalayan Everest Insurance long ad

काठमाडौं । सगरमाथा जलविद्युत कम्पनीको आइपीओमा ३४ करोड ३६ लाख १४ हजार रुपैयाँ बराबरको आवेदन परेको छ । सीडीएसका अनुसार पहिलो दिन अर्थात बुधबार चैत ८ गते साँझ सम्ममा ३ लाख १ हजार ८३६ जना सर्वसाधारण आवेदकले ३४ लाख ३६ हजार १४० कित्ताका लागि आवेदन दिएका छन् ।

कम्पनीले जारी पुँजी १ अर्ब १२ करोड रुपैयाँको ३९ प्रतिशत अर्थात ४३ करोड ६८ लाख रुपैयाँ बराबरको ४३ लाख ६८ हजार कित्ता साधारण सेयर सर्वसाधारणलाई छुट्याएको छ ।

यसमध्ये १० प्रतिशत (४ लाख ३६ हजार ८ सय कित्ता) सेयर वैदेशिक रोजगारीमा रहेका नेपालीहरुका लागि निष्कासन गरी बाँडफाँट गरिसकेको छ ।

यस्तै, कम्पनीले ५ प्रतिशत अर्थात २ लाख १८ हजार ४०० कित्ता सेयर सामूहिक लगानी कोषहरुको लागि र ३ प्रतिशत (१ लाख ३१ हजार ४० कित्ता) सेयर कर्मचारीहरुका लागि सुरक्षित गरेको छ ।

बाँकी ३५ लाख ८१ हजार ७६० कित्ता सेयर बुधबार चैत ८ गतेदेखि सर्वसाधारणका लागि बिक्रीमा ल्याएको हो । यसमा चैत १२ गतेसम्म आवेदन दिन सकिनेछ । लगानीकर्ताले यसमा न्यूनतम १० कित्तादेखि अधिकतम १० हजार कित्ताका लागि आवेदन दिन सक्नेछन् ।

सी–आस्वा प्राप्त बैंक तथा वित्तीय संस्था तथा मेरो सेयरमार्फत सेयर भर्न पाइनेछ । यसमा बिक्री प्रबन्धकको काम प्रभु क्यापिटल लिमिटेडले गरेको छ ।

क्रेडिट रेटिङ संस्था इक्रा नेपालले सगरमाथा जलविद्युतलाई ‘इक्रा एनपी आइ आर ट्रिपल बी माइनस’ रेटिङ प्रदान गरेको छ ।

जसले कम्पनीको दायित्व बहन गर्ने क्षमता मध्यम स्तरको भएको जनाउँछ । इक्रा नेपालले २०७९ असार १ गते उक्त रेटिङ दिएको थियो । यो रेटिङ २०८० जेठ ३० गतेसम्म बाहल रहनेछ ।

८ चैत २०७९, बुधवार १७:११ बजे प्रकाशित

NTA long ad
stcnepal long ad