काठमाडौ । नेपाल कम्युनिस्ट पार्टी (नेकपा) का अध्यक्ष एवं प्रधानमन्त्री केपी शर्मा ओलीले २०७७ मंसिरमा महाधिवेशन गर्ने नयाँ प्रस्ताव अघि सारेका छन् ।

ओलीकाे याे प्रस्तावमा पार्टीका अर्का अध्यक्ष पुष्पकमल दाहाल प्रचण्ड सहमत भएका छन्। नेकपाका शिर्ष नेताहरुको दबावका बावजुद ओलीले प्रधानमन्त्री र अध्यक्ष दुबै पद नछाड्ने अडान लिइरहेका बेलामा ओलीले अकस्मात महाधिवेशनको नयाँ प्रस्ताव अघि सारेका हुन ।

यसमा वरिष्ठ नेता झलनाथ खनाल,माधव कुमार नेपालले पार्टी एकताले पूर्णता नपाइ सकेकाे वर्तमान अवस्थामा मंसिरमा दसाै एकता महाधिवेशन हुन नसक्ने वताएकाे र उपाध्यक्ष वामदेव गाैतम माैन रहेका छन ।

ओली र प्रचण्ड एकता महाधिवेशन गर्न सहमत भएपछि हिजाे रातिनै राष्ट्रपति विधादेवी भण्डारीलाई भेटन शितल निवास गएका थिए ।

ओलीले महाधिवेशन मार्फत अध्यक्षकाे नेतृत्व छाडने चाहाना राखेकाे र प्रचण्डले त्यसमा ओलीकाे विश्वास गरि साथ दिएकाे नेकपा स्रोतले जानकारी दिएकाे छ ।

तर नेकपा नेताहरुले मंसिरमा एकता महाधिवेशन असम्भव रहेकाे बताएका छन् । ओलीकाे नयाँ जालमा प्रचण्ड पनि फसेकाे पूर्व माओवादी केन्द्रका नेताहरूले असन्तुष्टि जनाउदै बताउन थालेका छन्।