काठमाडौं । सिटिजन्स बैंक इन्टरनेसनलले २ अर्ब रुपैयाँ बराबरको अग्राधिकार शेयर जारी गर्ने भएको छ। बैंकको आज सम्पन्न आठौँ विशेष साधारणसभाले सञ्चालक समितिले प्रस्ताव गरेबमोजिम अग्राधिकार शेयर जारी गर्ने निर्णय पारित गरेको हो।

अब बैंकले नेपाल राष्ट्र बैंकको निर्देशनको अधीनमा रहेर १०० रुपैयाँ अंकित दरका कुल २ करोड कित्ता ‘सिटिजन्स अबिमोच्य असञ्चिति अग्राधिकार शेयर’ जारी गर्नेछ।

बैंकले शेयरको लाभांश दर ७.५ प्रतिशत तोकेको छ। यसको अर्थ बैंकले नाफा भएको वर्षमात्रै यो लाभांश वितरण गर्नेछ।