काठमाडौं । राष्ट्रियस्तरको शाइन रेसुङ्गा डेभलपमेन्ट बैंकको अध्यक्षमा थानेश्वर पौडेल पुनः निर्वाचित भएका छन् । शुक्रबार बसेको बैंकको साधारणसभामा सञ्चालक निर्वाचित भएलगत्तै बसेको सञ्चालक समितिको बैठकले उनलाई अध्यक्षमा नियुक्त गरेको हो ।

नयाँ सञ्चालक समितिमा ई. सुरज उप्रेती, वीरेन्द्र भुसाल, वीरेन्द्र विष्ट, नम्रता भण्डारी र हिमाल भट्टराई समेत छन् ।

त्यसमध्ये अध्यक्ष पौडेल, उप्रेती र भुसाल संस्थापक सेयरधनी तथा विष्ट, भण्डारी र भट्टराई साधारण सेयरधनीका तर्फबाट हुन् ।

यसअघि २०७७ सालमा पनि पौडेल अध्यक्ष बनेका थिए । उनीसँगै ई। उप्रेती, विष्ट पनि सञ्चालकमा दोहोरिएका छन् ।