macchha(MBL)
stcnepal long ad
himalayan Everest Insurance long ad
nabil bank

एउटा बचत खाता खोल्दा सिटिजन्स बैंकले एक रूख रोप्ने

Prabhu Insurance Long Ad
himalayan Everest Insurance long ad

काठमाडौं । पैसाको कारोबार गर्ने संस्थाका रुपमा बैंकलाई लिइन्छ । बैंकहरूले पैसाको नै कारोबार गर्छन् । बैंकहरूले पैसा बाहेक अन्य केही काम गर्दैनन् भन्ने सोच आम मानिसको छ । तर, सिटिजन्स बैंक पैसाको कारोबारका साथै वनजंगलको संरक्षणमा समेत जुटेको छ ।

पछिल्लो समय बढ्दो जनसंख्याका कारण वनविनाश भइरहेका बेला सिटिजन्स बैंकले भने जंगल जोगाउने अभियानमा जुटेको छ । कुनै ग्राहकले सिटिजन्स बैंकमा खाता खोल्यो भने उक्त ग्राहकको नाममा बैंकले एउटा रूख रोपिदिने भएको छ ।

बैंकले नयाँ वर्ष सन् २०२४को अवसरमा वातावरणमैत्री बनाउन ‘एक खाता, एक वृक्ष’ स्मार्ट बचत खाता सञ्चालनमा ल्याएको हो । ‘हजुरको नयाँ स्मार्ट बचत खाता, सिटिजन्स बैंकद्वारा एक वृक्षारोपण’ नाराका साथ ‘एक खाता, एक वृक्ष’ स्मार्ट खाता सञ्चालनमा ल्याएको हो ।

सन् २०२४ भरी ‘एक खाता एक वृक्ष’ स्मार्ट बचत खाता खोल्ने ग्राहकहरूका लागि बैंकले एक खाता बराबर एक वृक्षारोपण गर्नेछ । ‘एक खाता एक वृक्ष’ स्मार्ट खाता शून्य ब्यालेन्समा खोल्न सकिने बैंककी कर्पोरेट कम्युनिकेशन हेड स्मारिका तिवारीले बताइन् ।

साथै, नयाँ स्मार्ट खाता खोल्दा ग्राहकहरूले २ लाख रुपैयाँसम्मको एनि ब्रान्च बैंकिङ सर्भिस (एबीबीएस) सेवा प्राप्त गर्न सक्ने उनको भनाइ छ । स्मार्ट बचत खातामा रकम जम्मा गर्दा ग्राहकहरूले ४.३५ प्रतिशत ब्याजदर पाउने उनले बताइन् ।

बैंकका अनुसारस्मार्ट बचत खाता खोल्न ग्राहकहरूको निःशुल्क डिम्याट खाता र एक वर्षसम्म निःशुल्क मोबाइल बैंकिङ सेवा उपभोग गर्न सक्ने छन् । साथै, ग्राहकहरूले निःशुल्क ‘थ्री–डी सेक्युर ई–कमर्स’ कारोबार गर्न सक्ने तिवारीको भनाइ छ ।

पहिलो एक वर्षसम्म निःशुल्क इन्टरनेट बैंकिङ, डेबिट कार्ड, सी–आश्वा रजिस्ट्रेशन सर्भिस स्मार्ट खाता खोल्ने ग्राहकहरूलाई प्रदान गरिनेछ । यसका साथै बैंकका डिजिटल प्रडक्टहरुमा हरेक वर्ष स्मार्ट बचत खाता खोल्ने ग्राहकहरूले ५० प्रतिशत छुट पाउनेछन् ।

स्मार्ट बचत खाता खोल्न कुनै पनि डकुमेन्ट आवश्यक नपर्ने उनको भनाइ छ । खाता खोल्नेदेखि कारोबार पनि सबै डिजिटल माध्यमबाट हुने गरी व्यवस्था गरिएको उनले बताइ । जंगल जोगाउन यस किसिमको प्रडक्ट ल्याएको उनले बताइन् ।

‘यस खाता खोलेपछि ग्राहकहरूले सबै कारोबार डिजिटल्ली गर्नु पर्नेछ, बैंकले कागजरहित सेवालाई जोड दिएकाले चेक पनि दिँदैनौं,’ उनले भनिन्, ‘मोबाइल बैंकिङ, इन्टरनेट बैंकिङ, डेबिड कार्ड लगायत सबै डिजिटल सेवा मात्रै यस खातामा उपलब्ध छन् ।’

सन् २०२४ मा एक वर्षको अवधिभर जति खाता खुल्छन् सोही आधारमा बैंकले रूख रोप्ने उनको भनाइ छ । साथै, बैंकले रोपेका ति रूखहरू ग्राहकहरूको नाममा रोपण गर्ने उनले बताइन ।

‘एक वर्षसम्म कति खाता खुल्छन्, ती सबैका खातावालाहरूको नाममा बैंकले रूख रोप्नेछ, अहिलेसम्म बैंकले कुन ठाउँमा वृक्षारोपण गर्ने भनेर स्थान तोकेको छैन, यो वर्षमा कति वटा खाता खोलिन्छन्, खाता संख्याको आधारमा हामी ठाउँ तोक्ने छौं,’ उनले भनिन् ।

साथै, वृक्षारोपण गर्ने  समयमा सबै खातावाल ग्राहकहरूलाई बोलाउने योजना रहेको उनको भनाइ छ । रोपिएका रूखहरुको सबै लागत बैंकले बेहोर्ने उनले बताइन् ।

‘जजसले खाता खोल्नु भएको छ, उहाँहरुलाई बोलाएर वृक्षारोपण गर्छौं, रोपिएका रूखहरुको सबै लागत बैंकले बेहोर्छ,’ उनले भनिन्, ‘यसबाट बैंकको व्यवसायसँगै वातावरणलाई समेत जोगाउन खोजेका हौं, यसअघि बैंकले गत वर्ष ३ सय रूख रोपेको थियो, त्यसरी आफैं रोप्नु भन्दा ग्राहकहरूको नाममा रोप्न पायौं भने उहाँहरूमा पनि सकारात्मक सन्देश प्रवाह हुन्छ ।’

उनका अनुसार यस प्रडक्ट अन्तर्गत बैंकले एक वर्षमा १ हजारभन्दा बढी खाता खोल्ने लक्ष्य राखेको छ । सोही आधारमा बैंकले ग्राहकहरूको नाममा रूख रोपिदिनेछ ।

himalayan life insurance
igi long
NTA long ad