काठमाडौं। नेपालमा ओमोडा एन्ड जेइकोको आधिकारिक वितरक एसपीजी अटोमोबाइल्सले नेपाली बजारमा नयाँ ओमोडा ई–फाइभ प्रो आधिकारिक रूपमा सार्वजनिक गरेको छ।

ओमोडा ई–फाइभको उत्कृष्ट सफलतालाई निरन्तरता दिँदै नयाँ ई–फाइभ प्रो अझ उन्नत प्रविधि, प्रिमियम फिचर र अत्याधुनिक ड्राइभिङ अनुभवसहित आएको कम्पनीले बताएको छ।

नेपालमा सार्वजनिक भएदेखि नै ओमोडा ई–फाइभ आफ्नो भविष्यवादी डिजाइन, उत्कृष्ट रेन्ज, उच्च ग्राउन्ड क्लियरेन्स र आधुनिक प्रविधिका कारण देशकै सबैभन्दा लोकप्रिय विद्युतीय एसयूभीमध्ये एक बन्न सफल भएको कम्पनीको दाबी छ। नयाँ ओमोडा ई–फाइभ प्रोले यसै विरासतलाई अझ सुदृढ बनाउँदै नयाँ डिजाइन, स्मार्ट फिचर र आधुनिक नेपाली ग्राहकलाई लक्षित प्रिमियम अनुभव प्रदान गर्ने बताइएको छ।

नयाँ ओमोडा ई–फाइभ प्रोमा पचास दशमलव सात किलोवाट–घण्टा क्षमताको ब्याट्री प्याक, उनान्सय किलोवाट विद्युत् मोटर र दुई सय अठासी न्युटन–मिटर टर्क रहेको छ, जसले तीन सय पचास किलोमिटर डब्लुएलटीपी रेन्ज प्रदान गर्दछ।

साथै, एक सय एकान्नब्बे मिलिमिटर ग्राउन्ड क्लियरेन्सका कारण यो नेपालका विभिन्न सडक अवस्थाका लागि उपयुक्त छ। यसमा अठार इन्चका अलोय ह्विलहरू पनि समावेश छन्।

कम्पनीका अनुसार बाहिरी डिजाइन ओमोडाको भविष्यवादी डिजाइन दर्शनमा आधारित छ, जसमा आकर्षक अगाडिको फेसिया, एरोडाइनामिक प्रोफाइल र विशेष फ्यान्टम विङ टेललाइटहरू समावेश छन्। भित्री भागमा प्रिमियम केबिन अनुभव, विद्युतीय सनरुफ, उच्च गुणस्तरका इन्टेरियर सामग्री र आधुनिक प्रविधिको संयोजन रहेको छ ।

यसमा चालकका लागि मसाज सुविधा भएको सिट, आठवटा सोनी स्पिकरयुक्त इमर्सिभ अडियो प्रणाली तथा ठूलो पन्ध्र दशमलव छ इन्चको वाइडस्क्रिन इन्फोटेनमेन्ट डिस्प्ले समावेश गरिएको छ, जसले ड्राइभिङ अनुभवलाई अझ प्रिमियम बनाउँछ।

सुरक्षाका दृष्टिले यसमा उन्नाइसभन्दा बढी एडास (एडभान्स्ड ड्राइभर असिस्टेन्स सिस्टम) फिचरहरू तथा पाँच सय चालीस डिग्री सराउन्ड भ्यू क्यामेरा प्रणाली रहेको छ, जसले चालकलाई उच्च सुरक्षा र आत्मविश्वास प्रदान गर्दछ ।

नयाँ ओमोडा ई–फाइभ प्रोको आधिकारिक मूल्य सिंगल टोन भेरियन्टका लागि ५१ लाख ५९ हजार रुपैयाँ तथा डुअल टोन भेरियन्टका लागि ५१ लाख ९९ हजार रुपैयाँ निर्धारण गरिएको छ। सार्वजनिक भएको अवसरमा एसपीजी अटोमोबाइल्सले पहिलो पचास ग्राहकका लागि ४९ लाख ९९ हजार रुपैयाँको विशेष मूल्य तथा एक वर्षको निःशुल्क अटो प्लस इन्स्योरेन्स उपलब्ध गराउने घोषणा गरेको छ।

नयाँ ओमोडा ई–फाइभ प्रो अब देशभरका आधिकारिक ओमोडा एन्ड जेइको शोरूमहरूमा बुकिङ तथा जानकारीका लागि उपलब्ध भएको कम्पनीले जनाएको छ ।