काठमाडौं । ०२४ सकिनै लागेको छ तर नयाँ कारहरू लन्च गर्ने प्रक्रिया अझै रोकिएको छैन । यो वर्षको अन्तिम महिना डिसेम्बरमा होन्डा, टोयोटा, किया र हुन्डाई जस्ता कम्पनीले आफ्ना नयाँ कार लन्च गर्ने तयारी गरिरहेका छन् ।

स्कोडा काइल्याक

स्कोडाले सब(कम्प्याक्ट एसयूभी काइल्याकको प्रारम्भिक मूल्य घोषणा गरेको छ । यसको बुकिङ पनि सुरु भइसकेको छ ।

काइल्याकमा १०.१ इन्च टचस्क्रिन, ८ इन्चको डिजिटल ड्राइभर डिस्प्ले, भेन्टिलेटेड र पावर फ्रन्ट सिट, अटो एसी र वायरलेस फोन चार्जर जस्ता फिचर उपलब्ध छ । सेफ्टीका लागि ६ एयरब्याग, इलेक्ट्रोनिक स्टेबिलिटी कन्ट्रोल र रियर पार्किङ क्यामेरा समावेश छ ।

यसको सबै भेरिएन्ट १।० लिटर टर्बो पेट्रोल इन्जिनले सुसज्जित छ, जसले अधिकतम ११५ बीएचपी पावर उत्पादन गर्नेछ। यसमा ६ स्पिड म्यानुअल र ६ स्पिड टर्क कन्भर्टर अटोमेटिक ट्रान्समिसन समावेश गरिएको छ ।

होन्डा अमेज

होन्डाले डिसेम्बर ४ मा आफ्नो नयाँ पुस्ताको अमेज लन्च गर्न तयारी गरिरहेको छ । कम्पनीले हालै नयाँ अमेजको डिजाइन स्केच जारी गरेको छ, जुन होन्डा सिटी जस्तै देखिन्छ।

नयाँ अमेजमा ठुलो टचस्क्रिन, वायरलेस फोन चार्जर र लेनवाच क्यामेरा जस्ता फिचर प्रदान गरिएको छ। सेफ्टीका लागि यसमा ६ वटा एयरब्याग, इलेक्ट्रोनिक स्टेबिलिटी कन्ट्रोल र रियर पार्किङ क्यामेरा स्ट्यान्डर्डको रूपमा समावेश छ ।

यसमा पुरानो मोडलकै १.२ लिटर इन्जिन यथावत रहन सक्छ । अमेजको पुरानो संस्करणमा नेचुरली एस्पिरेटेड पेट्रोल इन्जिन छ। सो इन्जिन ५ स्पिड म्यानुअल ट्रान्समिसन वा सीभीटी अटोमेटिक गियरबक्सको साथमा उपलब्ध छ ।

टोयोटा क्याम्री
टोयोटाले सन् २०२३ को अन्त्यमा नेक्स्ट जेनेरेशन क्याम्रीलाई विश्वव्यापी रूपमा सार्वजनिक गरेको थियो । अब कम्पनीले डिसेम्बर ११ मा यसलाई भारतीय बजारमा लन्च गर्ने सम्भावना छ ।

नयाँ क्याम्रीमा  ठुलो ग्रिल, शार्प एलईडी  हेडलाइट, टेललाइट र नयाँ १९ इन्च अलोय ह्विल समावेश छ । यसको इन्टेरियरमा १२.३ इन्च टचस्क्रिन र १२.३ इन्च ड्राइभर डिस्प्ले रहेको छ ।

नयाँ क्याम्रीमा १० इन्चको हेड–अप डिस्प्ले, प्यानोरामिक सनरुफ, टेलिमेटिक्स, कनेक्टेड कार टेक्नोलोजी, ड्युअल जोन एसी र मेमोरी फङ्सनसहितको पावर र भेन्टिलेटेडरहिटेड सिट समावेश छ ।

सो कारलाई बलियो हाइब्रिड सिस्टमसँग जोडिएको छ। यसमा २।५ लिटर ४ सिलिन्डर पेट्रोल इन्जिन प्रयोग गरिएको छ, जसले २३२ पीएसको पावर जेनेरेट गर्छ । नयाँ मोडल फ्रन्ट ह्विल ड्राइभ संस्करणमा पनि आउनेछ जसको पावर आउटपुट २२५ पीएसको हुनेछ ।

किया साइरोस
कियाले भारतमा किया साइरोस एसयूभी लन्च गर्ने तयारी गरेको छ। कम्पनीले सो एसयूभी डिसेम्बर १९ मा लन्च गर्ने पुष्टि गरेको छ ।

साइरोसमा सोनेट जस्तै पावरट्रेन विकल्प प्रयोग गर्ने अनुमान छ, जसमा ८३ पीएस १।२ लिटर नेचुरली एस्पिरेटेड पेट्रोल इन्जिन, १२० पीएस १ लिटर टर्बो पेट्रोल इन्जिन र ११६ पीएस १।५ लिटर डिजेल इन्जिन समावेश छ ।

फिचरका लागि यसमा ड्युअल डिस्प्ले सेटअप, अटो एसी, प्यानोरामिक सनरुफ, भेन्टिलेटेड फ्रन्ट सिट र वायरलेस फोन चार्जर हुन सक्छ ।

सेफ्टीका लागि ६ एयरब्याग, आईसोफिक्स चाइल्ड सिट एन्कोरेज, रिभर्सिङ क्यामेरा र इलेक्ट्रोनिक स्टेबिलिटी कन्ट्रोल समावेश हुनेछ । यसको मूल्य लगभग ९ लाख भारु हुनेछ ।

हुन्डाई क्रेटा ईभी
हुन्डाईले जनवरी २०२५ मा क्रेटा ईभी लन्च गर्ने पुष्टि गरेको छ । कम्पनीले यसको टिजर पनि जारी गरेको छ । कम्पनीले क्रेटा ईभीको ब्याट्री प्याक र इलेक्ट्रिक मोटरको बारेमा अहिलेसम्म कुनै जानकारी खुलाएको छैन । यद्यपि रिपोर्टका अनुसार यसको ब्याट्रीले ४०० किलोमिटर भन्दा बढीको रेन्ज दिने दाबी गरिएको छ ।