वीरगन्ज  । नेपालमा डोङफेङ ईभीहरूको आधिकारिक वितरक एमएडब्लू वृद्धिले मधेस प्रदेशको वीरगन्जमा आफ्नो प्रिमियम र स्मार्ट ईभी ‘नामी’ सार्वजनिक गरेको छ ।

मंगलबार आयोजित कार्यक्रममा उपस्थित पूर्वप्रधानमन्त्री माधवकुमार नेपाल, एमएडब्लू वृद्धि मोटर्सका प्रबन्ध निर्देशक विवेक सिकारिया, राज्य सभा भारतका पूर्वमुख्यमन्त्री सबिर अली, नारायणी अटोकर्पका अध्यक्ष रवी बजाज र डोङफेङ वीरगन्ज नारायणी अटोकर्पका प्रबन्ध निर्देशक रजत बजाज, बृद्धि ग्रुपका प्रबन्ध निर्देशक ओम सिकारिया लगायतले संयुक्त रुपमा नामीको अनावरण गरेका थिए।

आफ्नो सेग्मेन्टको सबैभन्दा लक्जरियस र इन्टेलिजेन्ट नामी ईभीले मधेश प्रदेशको बजारमा नयाँ बेन्चमार्क स्थापित गर्न तयार भएको कम्पनीको भनाइ छ ।

ह्याचब्याकको रूपमा वर्गीकृत भए तापनि यो गाडी प्रतिस्पर्धीहरूको तुलनामा ठूलो आकारको छ। यसको आयाम र चौडाई यसका प्रतिद्वन्द्वीहरूको भन्दा उत्कृष्ट रहेको छ र यसले धेरैवटा सेग्मेन्टमा–पहिलो र सेग्मेन्टमा उत्कृष्ट प्रविधिहरू समावेश गर्दछ ।

कार्यक्रममा एमएडब्लू वृद्धि मोटर्सका डिलर प्रमुख गोविन्द भुसालले नामी ईभीले देशव्यापी रूपमा ग्राहकहरूबाट व्यापक मान्यता र प्रशंसा पाइरहेको कुरा साझा गर्न पाएकोमा खुसी व्यक्त गरे ।

उनले बिक्री मात्र नभई बिक्री पछिको सेवालाई पनि उत्तिकै महत्व दिने बताए । ‘ग्राहकको सन्तुष्टि पहिलो प्राथमिकता हुनेछ,’ उनले भने । उनले कार किन्नुअघि कारको ब्रान्ड र कार ल्याउने आयातकर्ता दुईवटा कुरामा ध्यान दिनुपर्ने बताए ।

कार्यक्रमका प्रमुख अतिथि पूर्व प्रधानमन्त्री माधवकुमार नेपालले विद्युतीय गाडीको भविष्य नेपालमा उज्वल रहेको बताए । पछिल्लो परिवेशमा वातावरणमैत्री सवारी साधनप्रतिको आकर्षण बढ्दै गएको स्विकार गर्दै विद्युतीय सवारी साधनको प्रयोगलाई बढावा दिनुपर्नेमा उनले जोड दिए ।कार्यक्रम  पश्चात प्रमुख अतिति नेपालले नै ग्राहकहरूलाई नामी ईभीको सांचो हस्तान्तरण गरेका थिए ।

नामीः सेग्मेन्टमा पहिलो सुविधाहरूले भरिपूर्ण
नामी ईभीले आफ्नो सेग्मेन्टमा विलासिता र बुद्धिमत्ताको नयाँ मानक स्थापित गरेको छ। यसको विलासी इन्टेरियर र उन्नत स्मार्ट टेक्नोलोजीको स्लिक डिजाइनमा निर्बाध रूपमा एकीकृत गरिएको छ। यसमा वेलकम सिट, मेमोरी सिट, फ्रेमलेस डोर, फ्लस डोर ह्यान्डल, अटो पार्किङ र टेबलटप सहितको यात्रु ड्रयर जस्ता सेग्मेन्ट–फर्स्ट आविष्कारहरू छन्।

यो ईभी उत्साहीहरूका लागि आदर्श फ्युचरिस्टिक ह्याचब्याक तीन भेरिएन्टहरू नामी ई१, नामी ई२ र नामी ई३ मा उपलब्ध भने चार रङहरूस सेतो, नीलो, हरियो र बैजनी एवम् सेतो र नीलो, सेतो र हरियो तथा सेतो र बैजनी जस्ता डुअल टोन रङहरूको विकल्पहरूको साथमा उपलब्ध छ।

नामीले लेभल २ एडीएएस, भेन्टिलेटेड र तातो सिटहरू, १२।८ इन्चको टचस्क्रिन इन्फोटेनमेन्ट प्रणाली, १७ इन्चको टायर, १२ अल्ट्रासोनिक रडार सहितको ३६० डिग्री क्यामेरा, एडाप्टिभ क्रुज कन्ट्रोल र स्वतःमधुरो हुने प्रणाली सहितको स्टार–लाइट क्रिस्टल एलईडी हेडल्याम्प जस्ता सेगमेन्टमा सर्वश्रेष्ठ सुविधाहरू समेटेको छ।

थप सुविधाहरूमा निकटता लक÷अनलक, मल्टी कलर एम्बियन्ट लाइटिङ, वान टचमा आराममोड, फ्ल्याट फोल्डिङ फ्रन्ट सिट, बाह्य डिस्चार्ज क्षमता, एक व्यक्तिगत टचस्क्रिन सेन्टर कन्सोल र विलासी अर्बान इन्टेरियर समावेश छ।

वीरगन्जमा शोरुम उदघाटन तथा सबैभन्दा ठूलो एक्सचेन्ज र टेस्ट ड्राइभ क्याम्प
सार्वजनिकरण पश्चात् ग्राहकहरुलाई अत्याधुनिक डोङफेङ र सेरेस विद्युतीय सवारी साधनहरुको इमर्सिभ अनुभव प्रदान गर्ने उद्देश्यले एमएडब्लू वृद्धि मोटर्स र नारायणी अटोकर्पले वीरगन्जमा नयाँ शोरुमको उदघाटन गर्ने तयारी गरेको छ।

ग्राहकहरूलाई थप आकर्षित गर्न एमएडब्लू वृद्धिले मधेश प्रदेशको सबैभन्दा ठूलो एक्सचेन्ज र टेस्ट ड्राइभ क्याम्पको आयोजना गरिरहेको छ । यही मंसिर १९ गते बुधवारदेखि २१ गतेसम्म ग्राहकहरूले विशेष अफरहरू सहित विद्युतीय सवारी साधनहरूको रेन्ज टेस्ट गर्न सक्ने छन् ।