काठमाडौं । सिटिजन  लाइफ इन्स्योरेन्सको आईपीओमा आवेदन दिने आज अन्तिम दिन रहेको छ । कम्पनीले प्रतिशेयर १०० रुपैयाँ अंकित अफरिङ मूल्यमा प्रतिकित्ता १४४ रुपैयाँ प्रिमियम थप गरी प्रतिशेयर कुल २४४ रुपैयाँमा आईपिओ निष्काशन गर्न सुरु गरेको छ ।

वैदेशिक रोजगारीमा रहेका नेपालीहरुले सिटिजन लाइफ इन्स्योरेन्स कम्पनीको शेयरमा आजसम्म आवेदन दिन सक्नेछन् । कम्पनीको आइपीओमा न्यूनतम १० कित्ताका लागि आवेदन दिनु पर्नेछ भने अधिकतममा ११ लाख २५ हजार कित्ताका लागि आवेदन दिन सकिने कम्पनीले जनाएको छ ।

कम्पनीको धितोपत्र निष्काशन तथा बिक्री प्रबन्धक एनआइएमबि एस क्यापिटल लिमिटेड रहेको छ । वैदेशिक रोजगारीमा रहेका नेपालीहरुले नेपाली बैंकमा खाता खोलेको अवस्थामा आईपिओ भर्न पाउनेछन् । यसको लागि नेपाली श्रमिक वैधानिक बाटोमार्फत अर्थात श्रम स्वीकृति लिएर विदेश गएको हुनुपर्नेछ ।

सिटिजन  लाइफले  एक करोड  १२ लाख ५० हजार कित्ताको कूल आइपिओ निष्काशन सुरु गरेको छ । सो मध्ये ११ लाख २५ हजार कित्ता शेयर बैदेशिक रोजगारीमा रहेकाहरुलाई वितरण गरिनेछ ।