काठमाडौं । काठमाडौंं महानगरपालिकाले पाँच उच्च अधिकारीको सरुवा गरेको छ । मेयर वालेन्द्र साहको सल्लाहमा प्रमुख प्रशासकीय अधिकृतले पाँच निर्देशकलाई सरुवा गरेका हुन् ।

सरुवा हुनेमा प्रशासन विभागका प्रमुख महेश काफ्ले, गोपाल पोखरेल, यादव घिमिरे, नुरनिधि न्यौपाने र दीपक अधिकारी रहनुभएको छ ।

काफ्लेलाई प्रशासन विभागबाट सार्बजनिक निजी साझेदारी कार्यक्रम (पिपिपि०), अधिकारीलाई प्रशासन विभाग, गोपाल पोखरेलाई सामाजिक विकास विभाग, घिमिरेलाई आन्तरिक लेखा परीक्षण र न्यौपानेलाई मेयर सचिवालयमा सरुवा गरिएको छ ।

प्रमुख प्रशासकीय अधिकृत बसन्त अधिकारी भारत भ्रमण जानुअघि मंगलबार ती उच्च कर्मचारीलाई सरुवा गरिएको हो ।