काठमाडौं। नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ले प्रदेश २ को सर्लाही जिल्ला पुगेर नेकपा(माओवादी केन्द्र) र जनता समाजवादी पार्टी (जसपा) एकता गर्न आह्वान गरेका छन ।

सर्लाहीको सदमुकाम मलंगवामा आयोजित शिक्षक संगठनको कार्यक्रममा बोल्दै प्रचण्डले पार्टी एकता गर्न प्रस्ताव गरेका हुन । उनले त्यहाँ भने– ‘घोषणा सभा जनकपुरमै गरौं।’

जसपा निकट रामेश्वर प्रसाद यादवको नेपाल लोकतान्त्रिक शिक्षक फेडरेसन माओवादी केन्द्रसँग बिलय भएको कार्यक्रममा बोल्दै प्रचण्डले भने, ‘घिँउ कहाँ पोखियो थालमा । ढिलो नगरि पार्टी एकता गरौं । क्षेत्रीय पार्टीबाट मधेशी जनताको नि विकास हुँदैन, पहाडी जनताको पनि विकास हुँदैन । गठबन्धन त गरेका छौं। एकै पार्टी बनाउ । तपाइलाई चाहिले सम्मान र अधिकार दिन कन्जुस्याइ गर्ने छैनौं ।’

माओवादी केन्द्र र जसपा मिल्दा मधेशमा एक्लो बहुमत आउने भन्दै प्रचण्डले यस्तो प्रस्ताव गरेका हुन । यस्तै फरक प्रसङ्गमा प्रचण्डले प्रधानमन्त्री शेरबहादुर देउवा बिदेशबाट आएपछि पहिलो काम नागरिकता दिलाउने गर्ने बताएका छन।

उनले त्यहाँ मधेशी जनतालाई आश्वासन दिदैभने, ‘सबै प्राविधिक कुरा भन्दिन । हेर्नुहोला प्रधानमन्त्रि बेलायतबाट फर्किएपछिको पहिलो काम नागरिकताको ऐन परित गरिनेछ ।’