काठमाडौँ । काठमाडौंको इन्फोमेट सेक्युरिटी एण्ड अटोमेसन र पोखराको आइटी गार्डेन प्रा.लि.को सहकार्यमा नेपालमा भाइभो ब्राण्डको स्मार्ट वाचको बिक्री सुरुवात भएको छ ।

नेपालमै पहिलो पटक भाइभो स्मार्ट वाचलाई बिक्री सुरुवात गरिएको आइटी गार्डेन प्रा.लि. पोखराका सञ्चालक अनुप पन्तले जानकारी दिए । भाइभो ब्राण्डको स्मार्ट वाचको आधिकारिक बिक्रेता भएर काम गर्न पाउँदा खुसी लागेको छ,’ उनले भने ।

यो वाचले मानिसलाई समयको खबर गराउने मात्र नभएर घडी लगाउने व्यक्तिको शरीरलाई २४ घण्टा अनुगमन गराउने र शरीरको कुनै भागमा समस्या आएमा सूचना दिने काम समेत गर्छ, पन्तले भने ।

घडीमा भएको एट्रियल फाइब्रिलेशनले मानिसको मुटुमा समस्या आउनु पूर्व नै सुचना दिन्छ । जसले गर्दा कुनैपनि व्यक्तिलाई हृदयघात हुनबाट जोगाउन सक्ने पन्तको भनाई छ । करिब ३ वर्ष देखी आईटी क्षेत्रमा काम गरेका पन्तले अमेरिकन ट्रेक्नोलोजीको यो घडी नेपालमा नै पहिलो पटक विक्री सुरु गरेका छन् । जसको नेपाली मूल्य ३५ हजार सम्म पर्दछ ।