काठमाडौं । सिद्धार्थ बैंकले १५% लाभांश प्रस्ताव पारित गर्न माघ १६ गते वार्षिक साधारण सभा बोलाएको छ । बैंकले गत वर्षको नाफाबाट १२% बोनस सेयर र ३% नगद गरी कुल १५% लाभांश दिने प्रस्ताव सभामा पेश गर्नेछ ।

यस्तै, अन्य कुनै बैंक तथा वित्तीय संस्थासँग मर्जर वा एक्विजिसन प्रक्रियामा जानु परेमा सम्पूर्ण कामको अख्तियारी सञ्चालक समितिलाई दिने प्रस्ताव छ ।

यता, सभा मार्फत सर्वसाधारण समूहबाट २ जना र संस्थापक समूहबाट ३ जना गरी कुल ५ जना सञ्चालकहरुको निर्वाचन हुने भएको छ । सभा अम्रपाली बैंक्वेट, बालुवाटार काठमाडौंमा बिहान ११ बजे सुरु हुनेछ ।

सभामा भर्चुअल माध्यमबाट पनि उपस्थिति जनाउन सकिनेछ । सभा गर्न पुस २८ गते बुक क्लोज हुनेछ । पुस २७ गतेसम्म कायम रहने सेयरधनी मात्र प्रस्तावित लाभांशको हकदार हुनेछन् ।