काठमाडौ । सरकारले कोरोना नियन्त्रणका लागि देशभरी सरकारी विद्यालयका शिक्षकहरुलाई परिचालन गर्ने भएको छ । देशभरी विद्यालयहरु बन्द रहेको र शिक्षकहरु खाली रहेकाले उनीहरुलाई परिचालन गर्दा सहज र प्रभावकारी हुने सरकारले निष्कर्ष निकालेको हो ।

गाउँ टोलमा स्थानीय शिक्षकहरुलाई सवैले मान्ने, उनीहरु पनि आफै जान्ने र बुझ्ने भएकाले शिक्षकलाई स्वास्थ्य मापदण्ड कार्यान्वयन गराउन, सचेतना जगाउन, अनुगमन गराउन परिचालन गरिने निर्णय भएको स्वास्थ्य मन्त्रालयका  सल्लाहकार डा खेम कार्कीले जानकारी दिएका छन् ।