काठमाडौं । नेरुडे मिर्मिरे लघुवित्त वित्तीय संस्थाको करिब पौने २ लाख कित्ता शेयर बिक्रीमा राखिएको छ।

संस्थाको संस्थापक समूहको १ लाख ७२ हजार ६३४ कित्ता शेयर बिक्रीमा राखिएको हो। यो शेयरमा सर्वसाधारण लगानीकर्ताले खरिदका लागि निवेदन पेस गर्न सक्नेछन्।

इच्छुक लगानीकर्ताले १५ दिनभित्र निवेदन दिनुपर्नेछ। निवेदन भक्तपुरको लोकन्थलीस्थित संस्थाको कर्पोरेट कार्यालयमा पेस गर्न सकिनेछ।

यसअघि यो शेयर संस्थाका संस्थापक शेयरधनीहरुका लागि बिक्री खुला गरिएको थियो। तर, संस्थापक शेयरधनीहरुबाट खरिदका लागि निवेदन नपरेपछि बाह्य व्यक्तिका लागि बिक्री खुला गरिएको हो।