एथर इनर्जीले भारतमा लोकप्रिय इलेक्ट्रिक स्कुटर ४५० सिरिजको अपडेट रेन्ज लन्च गरेको छ । यस अनुसार एथर ४५०, ४५० एक्स २।९ किलोवाट, ४५० एक्स ३.७ किलोवाट र ४५० एपेक्समा विभिन्न फिचर अपडेट गरिएको छ ।

स्कुटरलाई दुई नयाँ कलर अप्सनमा उपलब्ध गराइनुका साथै नयाँ फिचरका साथ उपलब्ध गराइएको छ । यस मध्ये एथर ४५० एक्स र ४५० एपेक्समा स्कुटरलाई चिप्लनबाट रोक्नका लागि मल्टी–मोड ट्र्याक्सन कन्ट्रोल फिचर उपलब्ध गराइएको छ ।

चिसो सडकका लागि ‘रेन मोड’, सामान्य सडकका लागि ‘रोड मोड’ र अफरोडका लागि ‘(याली मोड’ उपलब्ध छ ।

स्कुटरको फ्रन्ट र रियर टायरको संयोजनमा बेटर कन्ट्रोल र स्टेबिलिटी प्रदान हुन्छ । रेन मोडले चिसो र चिप्लो सडकमा म्याक्सिमम ग्रिप प्रदान गर्छ ।

रोड मोडले सेफ्टी र पर्फमेन्सका बिच ब्यालेन्स मिलाउछ भने अफरोड एड्भेन्चरका लागि ¥याली मोड डिजाइन गरिएको छ ।

यो वाहेक एथरका स्कुटरमा म्याजिक ट्विस्ट र नयाँ एथरस्ट्याक ६ ओएस समेत उपलब्ध छ । स्पिड घटाउदा वा बढाउदा सहज बनाउने कार्य म्याजिक ट्विस्टले गर्छ भने एथरस्ट्याक ६ ओएस मार्फत गुगल म्यापमा आधारित नेभिगेसन सिस्टम लगायतका विभिन्न फिचर ड्यासबोर्डमै उपलब्ध हुन्छ । यसले गर्दा स्मार्टफोन प्रयोग गर्नुपर्ने बाध्यता हुँदैन ।

पुरानो मोडल एथर ४५० एक्स स्कुटरको २.९ किलोवाट भेरिएन्टको रेन्ज ८५ किलोमिटर र ३.७ किलोवाट भेरियन्टको रेन्ज १०५ किलोमिटर रहेको थियो ।

२०२५ भेरिएन्ट ४५० एक्स स्कुटरको रेन्ज अब २।९ किलोवाट भेरिएन्टको १०५ किलोमिटर र ३.७ किलोवाट भेरिएन्टको रेन्ज १३० किलोमिटर पाउन सकिन्छ । यस स्कुटरको टप स्पिड भने ९० किलोमिटर प्रतिघण्टा रहेको छ ।

भारतीय बजारमा नयाँ एथर ४५० एक्स २.९ किलोवाट भेरिएन्टको मूल्य १ लाख ४७ हजार भारु र ३.७ किलोवाट भेरिएन्टको १ लाख ५७ हजार भारु तोकिएको छ ।